اے پی سی کا مقصد عوام کو مہنگائی کی دلدل سے نکالنا ہے، شہباز شریف

اسلام آباد: قائد حزب اختلاف شہباز شریف کا کہنا ہے کہ اے پی سی کا مقصد عوام کو مہنگائی کی دلدل سے نکالنا ہے۔

ایکسپریس نیوز کے مطابق اسلام آباد میں آل پارٹیز کانفرنس کا انعقاد ہورہا ہے جس میں مسلم لیگ (ن) اور پیپلزپارٹی سمیت تقریباً تمام اپوزیشن جماعتوں کا وفد شرکت کررہا ہے۔

اے پی سی سے قبل صحافیوں سے غیر رسمی گفتگو کرتے ہوئے قومی اسمبلی میں اپوزیشن لیڈر شہباز شریف کا کہنا تھا کہ آئی ایم ایف کے بنائے عوام دشمن، تاجر دشمن، کسان دشمن بجٹ کو مسترد کرتے ہیں، متحدہ اپوزیشن کی اے پی سی میں شمولیت کا صرف ایک مقصد ہے، پاکستانی عوام کوتباہ ہوتی ہوئی معاشی حالت اور مہنگائی کی دلدل سے نکالنا ہے۔