- حماس نے غزہ میں قید اسرائیلی یرغمالی کی نئی ویڈیو جاری کردی
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کا پاکستان کو 179 رنز کا ہدف
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
ہمارا وزیراعظم چھپکلی سے بھی ڈرتا ہے، آصف زرداری
اسلام آباد: پاکستان پیپلز پارٹی کے شریک چیئرمین آصف علی زرداری نے کہا ہے کہ میں نے تیرہ سال جیل کاٹی ہے اور ہمارا وزیراعظم چھپکلی سے ڈرتا ہے۔
احتساب عدالت کے جج ارشد ملک نے آصف زرداری اور فریال تالپور سمیت دیگر ملزمان کے خلاف میگا منی لانڈرنگ ریفرنس کی سماعت کی۔ اس موقع پر سیکیورٹی کے انتہائی سخت انتظامات کئے گئے ۔ کسی بھی غیر متعلقہ شخص کو جوڈیشل کمپلیکس میں داخلے کی اجازت نہیں تھی۔
سماعت کے دوران 3 ملزمان کو ہتھکڑیوں میں دیکھ کر آصف زرداری روسٹرم پر آگئے اور انہوں نے کہا کہ یہ وائٹ کالر کرائم ہے، یہ ڈکیت نہیں اور نہ ملک دشمن عناصر ہیں، یہ پڑھے لکھے لڑکے ہیں انہیں ہتھکڑی کیوں لگا رکھی ہے؟عدالت جو بھی فیصلہ کرے مگر نیب تو سلوک اچھا کرے۔
آصف زرداری کے اعتراض پر فاضل جج کیا تو نیب حکام کی جانب سے کہا گیا کہ انہیں جیل سے پولیس لائی ہے ہم نے ہتھکڑی نہیں لگائی، جس پر آصف زرداری نے کہا کہ جیل میں بہت رہا ہوں وہاں بھی ایسا سلوک نہیں ہوتا، نیب والے اتنے اہل ہیں کہ انور مجید کو ایئرپورٹ لے کر گئے لیکن صحت بگڑنے پر دوبارہ اسپتال منتقل کیا، انور مجید کو اسپتال چھوڑ کر پھر ان کے بیٹے عبدالغنی مجید کو اٹھا لائے۔
جج ارشد ملک نے سماعت کے دوران ریمارکس دیئے کہ میرے پاس 3 ملزم آئے تھے میں نے انہیں سماج دشمن عناصر کہا تھا، وہ ملزمان میرے سامنے آئے اور بولے ہم سماج دشمن نہیں بلکہ اناج دشمن ہیں، فاضل جج کے سنائے گئے واقعے پر کمرہ عدالت میں قہقہے گونج اٹھے۔
احتساب عدالت کے جج نے ریمارکس دیئے کہ جو بھی ملزم آتا ہے وہ بیمار ہوجاتاہے، کسی آزاد بندے کو گرفتار کرکے ایک کمرے میں لایا جاتا ہے اسے گھٹن ہوجاتی ہے، انسان کو پتہ ہو کہ کسی نے باہر سے کنڈی لگائی ہے تو وہ پریشان ہوجاتا ہے۔ آصف زرداری نے کہا کہ میں نے 13 سال جیل کاٹی ہے اور جیل بھی قید تنہائی کی، جس پر فاضل جج نے ریمارکس دیئے کہ سب لوگ ایسے نہیں ہوتے ، کچھ لوگ شیر سے لڑ جاتے ہیں اور کچھ چھوٹے سے جانور سے بھی ڈرتے ہیں، آصف زرداری نے کہا کہ وہ تو ہمارا وزیر اعظم بھی چھپکلی سے ڈرتا ہے۔
سماعت کے بعد صحافیوں سے گفتگو کے دوران جب ان سے پوچھا گیا کہ وہ کون سا وزیر اعظم ہے جو چھپکلی سے ڈر جاتا ہے۔ جس پر آصف علی زرداری نے کہا کہ یہ موجودہ وزیراعظم ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔