ریلوے اراضی کی دیکھ بھال کرنے والی کمپنی آج سے بند

بلال غوری  پير 1 جولائ 2019
ریلوے اراضی کی دیکھ بھال کرنے والی کمپنی آج سے بند
 (فوٹو: فائل)

ریلوے اراضی کی دیکھ بھال کرنے والی کمپنی آج سے بند (فوٹو: فائل)

 لاہور:  کیبنٹ ڈویژن سے منظوری کے بعد وزارت ریلوے کی ذیلی کمپنی ’’ری ڈیمکو ‘‘ ریلوے اسٹیٹ ڈیولپمنٹ مارکیٹنگ آج پیر  یکم جولائی سے مکمل طور بند ہوجائیگی۔

کنٹریکٹ اور3 ,3 ماہ ڈیلی ویجزز پر کام کرنے والے 65 سے زائد ماتحت ملازمین کو فارغ کردیا گیا ہے، ریلوے آفیسرز کو واپس محکمہ ریلوے میں ضم کردیا جائے گا۔ ریلوے زمینوں کے تمام معاملات اب واپس آٹھوں ڈویژنوں کو سونپ دیے گئے ہیں،  محکمہ آڈٹ اور فنانس ڈیپارٹمنٹ رواں ماہ ذیلی کمپنی کے مالی معاملات کا جائزہ لے گی۔

ذرائع نے بتایا سابق حکومت میں ریلوے زمینوں کے معاملات کو بہتر بنانے کیلئے  ذیلی کمپنی’’ ری ڈیمکو ‘‘ قائم کی گئی تھی ۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔