- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
ہماری معاشی دوڑ
اگر آپ کو کراچی سے خنجراب جانا ہو تو آپ کیسے جائیں گے؟ پیدل، گاڑی سے، ٹرین سے یا جہاز سے؟ اگر صرف منزل پر پہنچنا مقصود ہے تو اپنی گاڑی سے جانا سب سے بہتر ہے، کیونکہ یہ سب سے کم خرچ ہے لیکن اس میں پریشانی بڑھ جائے گی اور وقت بھی زیادہ لگے گا۔
اگر کم وقت میں منزل پر پہنچنا مقصود ہے تو جہاز سب سے بہتر ہے، لیکن اخراجات بڑھ جائیں گے۔ یعنی وقت اور لاگت (Time and Cost) کا آپس میں ایک ربط ہے۔ جب ایک کو بڑھایا جائے تو دوسرا کم ہوجائے گا۔ اگر ذرا غور کریں تو اس سفر پر جانے کے زمینی حقائق یہ ہیں کہ اس میں آپ کہیں ٹرین، کہیں گاڑی اور کہیں جہاز کا استعمال کریں گے۔ اور کہیں دلفریب نظاروں سے محظوظ ہونے کےلیے پیدل بھی چلیں گے۔ اس طرح سیر وتفریح کا لطف بھی دوبالا ہوجائے گا، لاگت بھی مناسب آئے گی اور وقت بھی کم صرف ہوگا۔ اور آپ کم وقت میں ایک مناسب خرچے سے بہت سی خوشگوار یادیں بنالیں گے۔
سرمایہ کاری ایک سفر ہے
سرمایہ کاری بھی ایک ایسے ہی سفر کی طرح ہے، جہاں سرمایہ کار مختلف investment vehicle استعمال کرکے اپنی سرمایہ کاری کو مختلف مقامات (financial position) تک پہنچاتا ہے۔ وہ کبھی کم رسک میں پیسہ لگاتا ہے، کبھی زیادہ رسک میں۔ کم رسک میں کم نفع ملتا ہے جبکہ زیادہ رسک میں زیادہ۔ اس کا اصل مقصد مقررہ وقت میں سرمائے کو تعین شدہ منزل پر پہنچانا ہوتا ہے۔
کوئی بھی ایسی چیز (Product) جس میں سرمایہ کاری کرکےنفع کمایا جاسکتا ہو، وہ investment vehicle کہلاتی ہے۔ یعنی ایک ایسی سواری جس سے آپ اپنے اثاثے کو ایک مقام سے دوسرے مقام تک نفع کما کر منتقل کرسکتے ہوں۔ ہمارے ایک استاد کہا کرتے تھے، اکثر لوگ پیسے کما کر غیر ضروری چیزوں پر خرچ کردیتے ہیں اور جب ضرورت کا وقت آتا ہے تو کہتے ہیں کہ مہنگائی ہوگئی ہے۔ دراصل ہماری پریشانی کا اصل سبب، وقت سے پہلے اور ضرورت سے زائد حاصل کرنے کی خواہش ہے۔
اصل دولت بزنس سسٹم میں ہے
اعلیٰ تعلیم کی ایک کلاس کے دوران استاد نے جماعت سے پوچھا، ڈگری حاصل کرکے کون کون سرٹیفیکیشن کرے گا؟
ایک طالب علم نے جواباً سوال کیا ’’سب کام میں خود ہی کروں گا تو نوکری پر کس کو رکھوں گا؟‘‘
صحیح بات ہے۔ اگر اسٹیو جابز، مارک کیوبن، ایلون مسک، جیک ما، پیٹر تھیل، لیری یلسن، رچرڈ برنسن، بل گیٹس وغیرہ بھی ایک سسٹم بنانے کے بجائے روایتی تعلیم کو ہی ترجیح دیتے تو وہ آج بھی سرٹیفیکیشن ہی کررہے ہوتے، کیونکہ آج وہ سب ایک چوہا دوڑ کا حصہ بن چکے ہوتے۔
ایک بزنس سسٹم میں مختلف ٹیمیں ہوتی ہیں، جو ایک بزنس کو چلانے کےلیے مل کر کام کرتی ہیں۔ جیسے سیلز، مارکیٹنگ، ایچ آر، آپریشنز، فائنانس وغیرہ۔ سسٹم بنانے کا سب سے بڑا فائدہ یہ ہے کہ کچھ سال کی محنت کے بعد جب آپ کا قائم کردہ سسٹم مضبوط ہوجائے تو آپ اطمینان سے اس سسٹم سے باہر آکر اپنی Passive Income کا پھل کھا سکتے ہیں۔
اسے آسان الفاظ میں یوں سمجھا جاسکتا ہے کہ ایک ہی سودا پرچون کی دکان والا بھی بیچتا ہے اور ہائپر مارٹ بھی۔ مگر فرق یہ ہے کہ جب دکان کا مالک کمزور ہوجائے گا تو دکان بند ہوجائے گی، جبکہ مارٹ بند نہیں ہوگا۔ کیونکہ مارٹ میں ایک بزنس سسٹم کام کررہا ہے۔ جب تک سسٹم کمزور نہیں ہوگا مارٹ کام کرتا رہے گا۔
ترسیلات زر اور ہماری دوڑ
گریجویشن کے بعد اگر تھوڑی سی محنت کرکے ہم سرمایہ کاری کرنا سیکھ لیں تو چند سال میں زائد آمدن سے 5 لاکھ سے 15 لاکھ کمانا اسی پاکستان میں ممکن ہے۔ لیکن ہم نے پاکستان کو برا بھلا کہہ کر ترسیلات زر (remittances) پر زندگی جینا سیکھ لی ہے۔ یہ مشاہدے کی بات ہے کہ جب کوئی شخص دوسری سرزمین پر جا کر پرامن ماحول میں کام کرتا ہے تو وہ ذہنی طور پر زیادہ ذمے داری اٹھانے کا اہل ہوجاتا ہے، اور آخرکار معاشی تنگی سے نجات حاصل کرلیتا ہے۔ جیسے حضرت عبدالرحمن بن عوفؓ نے مکہ چھوڑ کر مدینہ ہجرت کی تو سوق مدینہ سے چھوٹے سے کاروبار کا آغاز کیا اور امیرالصحابہ بن گئے۔ اینڈریو کارنیج نے اسکاٹ لینڈ سے امریکا ہجرت کی اور اسٹیل انڈسٹری کا بادشاہ بن گیا۔ ایلون مسک نے ساؤتھ افریقہ سے امریکا ہجرت کی اور ایک عظیم Entrepreneur کی حیثیت سے ابھر کر سامنے آیا۔
ایسے ہی کچھ بڑے لوگ ہیں جو ہجرت کرکے پاکستان آئے اور انھوں نے اپنی زندگی سے پاکستان کو بہت کچھ دیا۔ جیسے صادقین احمد نقوی (آرٹسٹ)، ڈاکٹر روتھ فاؤ، ڈاکٹر محمد علی شاہ (سرجن)، ڈاکٹر ادیب حسن رضوی (سرجن)، ڈاکٹر محبوب الحق (اکانومسٹ)، ڈاکٹر ریاض الدین (سائنسدان)، ڈاکٹر عبدالقدیر خان (سائنسدان)، سلیم الزماں صدیقی (کیمیادان)، ڈاکٹر عطاالرحمن (کیمیادان)، احمد داؤد (صنعت کار)، آغا حسن عابدی (بزنس مین)، محمد شفیع عثمانی (اسکالر)، شاہ احمد نورانی (اسکالر)، ڈاکٹر اسرار احمد (اسکالر)، اشفاق احمد (مصنف)، حکیم محمد سعید، عبدالستارایدھی اور بھی بہت سے نام سرفہرست ہیں۔
ہمیں آج بھی ایسے افراد کی ضرورت ہے، جو محنتی ہوں، اہل علم ہوں اور جن کا معاشی قبلہ پاکستان کی جانب ہو۔ پاکستان کی معاشرتی صورتحال یہ ہے کہ کم آمدنی والے تو بیرون ملک جاہی رہے ہیں، ماہانہ لاکھوں کی تنخواہ لینے والے بھی بیرون ملک جانے کی دوڑ میں شامل ہیں۔ اگر ہم اپنی جوانی کو پاکستان سے باہر بھاگنے کے چکر میں صرف کرنے کے بجائے، پاکستان میں ہی رہتے ہوئے اپنا بزنس سسٹم قائم کرنے پر لگائیں تو زیادہ بہتری آسکتی ہے۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 سے 1,000 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹوئٹر آئی ڈیز اور اپنے مختصر مگر جامع تعارف کے ساتھ [email protected] پر ای میل کردیجیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔