- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت، سابق ایس پی کلفٹن براہ راست ملوث قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
- خیبر پختونخوا میں بیوٹی پارلرز اور شادی ہالوں پر فکسڈ ٹیکس لگانے کا فیصلہ
- سعودی عرب میں قرآنی آیات کی بے حرمتی کرنے والا ملعون گرفتار
- سائنس دان سونے کی ایک ایٹم موٹی تہہ ’گولڈین‘ بنانے میں کامیاب
- آسٹریلیا کے سب سے بڑے کدو میں بیٹھ کر شہری کا دریا کا سفر
- انسانی خون کے پیاسے بیکٹیریا
بابر اعظم کو ورلڈ کپ میں عمدہ کارکردگی کا صلہ مل گیا
دبئی: قومی کرکٹ ٹیم کے بیٹسمین بابر اعظم کو ورلڈ کپ میں عمدہ کارکردگی کا صلہ مل گیا وہ آئی سی سی کی بیٹسمینوں کی رینکنگ میں تیسرے نمبر پر آگئے۔
آئی سی سی نے ایک روزہ کرکٹ کی نئی رینکنگ جاری کردی ہے اور بیٹسمینوں کی فہرست میں بھارتی کپتان ویرات کوہلی کا بدستور راج ہے، روہت شرما دوسرے نمبر پر ہیں جب کہ پاکستانی بابر اعظم تیسرے نمبر پر قبضہ جمانے میں کامیاب رہے ہیں۔
بابر نے ورلڈ کپ 2019 میں پاکستان کے لئے سب سے زیادہ رنز بابراعظم بنائے، انہوں نے مجموعی طور پر 8 میچوں میں 67.7 کی اوسط سے 474 رنز بنائے، انہوں نے ورلڈکپ میں 3 نصف سنچریاں اور ایک سنچری بھی بنانے کا اعزاز حاصل کیا۔
آئی سی سی رینکنگ میں جنوبی افریقا کے کپتان فاف ڈی پلیسز چوتھے، نیوزی لینڈ کے روز ٹیلر پانچویں، آسٹریلیا کے ڈیوڈ وارنر چھٹے، انگلینڈ کے جوئے روٹ ساتویں، نیوزی لینڈ کے ولیمسن آٹھویں، جنوبی افریقا کے ڈی کک نویں اور آسٹریلیا کے ایرون فنچ دسویں نمبر پر ہیں۔
اوپنر امام الحق تین درجہ بہتری کے بعد گیارہویں نمبر پر جگہ بنانے میں کامیاب ہو پائے ہیں، انہوں نے بنگلا دیش کے خلاف عمدہ بیٹنگ کرتے ہوئے زبردست سنچری بھی بنائی تھی۔
اسی طرح بولرز کی رینکنگ میں محمد عامر 28 درجہ بہتری کے بعد 12ویں پوزیشن پر آگئے، عامر نے 8 میچوں میں17 شکار کیے، شاہین آفریدی بھی ٹاپ 25 بولرز میں آگئے، 34 درجہ بہتری کے بعد آفریدی 23ویں پوزیشن پر جگہ بنانے میں کامیاب ہو پائے ہیں، انہوں نے ورلڈ کپ میں 5 میچز کھیلے جس میں 16 وکٹیں لیں، شاہین شاہ آفریدی نے ورلڈکپ میں 5 سے زائد وکٹیں لینے والے دنیا کے کم عمر ترین بولر بننے کا اعزاز بھی حاصل کیا۔
باولرز کی فہرست میں جسپریت بھمرا پہلے، ٹرینٹ بولٹ دوسرے جب کہ کیومنز تیسرے نمبر پر آئے، جنوبی افریقا کے رابادا اور عمران طاہر بالترتیب چوتھے اور پانچویں، افغانستان کے مجیب الرحمن چھٹے، آسٹریلیا کے مائیکل اسٹارک ساتویں، افغانستان کے راشد خان آٹھویں، بھارت کے کلدیب یادیو نویں اور نیوزی لینڈ کے فرگوسن دسویں نمبر پر ہیں۔
آل راﺅنڈر کی کیٹگری میں پاکستان کے عماد وسیم چوتھے نمبر پر جگہ بنانے میں کامیاب رہے ہیں، بنگلا دیش کے شکیب الحسن ٹاپ پر ہیں، انگلینڈ کے بین اسٹوکس دوسرے، افغانستان کے محمد نبی تیسرے اور افغانستان کے راشد خان پانچویں نمبر پر ہیں۔
آئی سی سی کی طرف سے جاری ایک روزہ رینکنگ میں انگلینڈ کا راج ہے، بھارت کی دوسری اور نیوزی لینڈ کی تیسری پوزیشن ہے،آسٹریلیا چوتھے، جنوبی افریقا پانچویں، پاکستان چھٹے، بنگلا دیش ساتویں، سری لنکا آٹھویں، ویسٹ انڈیز نویں اور افغانستان دسویں نمبر پر ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔