تازہ ترین

بابا سہگل نے گانوں کی چوری پر بالی ووڈ کو کاپی ووڈ کا نام دیدیا

گانوں کے ری مکس کرنے میں کوئی برائی نہیں لیکن جو کوالٹی نکل کر سامنے آرہی ہے وہ بہت قابل رحم اور افسوسناک ہے

ویب ڈیسک منگل 9 جولائی 2019

بالی ووڈاب کاپی ووڈ بن چکاہے، بابا سہگل فوٹوفائل

ممبئی: نامور بالی ووڈ گلوکار و ریپر بابا سہگل پرانے گانوں کی ری مکس کے نام پر دھجیاں اڑانے پر پھٹ پڑے اور بالی ووڈ کو کاپی ووڈ کانام دے دیا۔

بالی ووڈ میں گانے چرانا کوئی نئی بات نہیں، بالی ووڈ فلمسازو پروڈیوسرز اپنی فلموں کی کامیابی کے لیے بڑی ڈھٹائی سے پاکستانی گانے تو چراتے ہی ہیں لیکن اپنی ہی فلم انڈسٹری کے پرانے اور کلاسک گانوں کو بھی فلموں کی کامیابی کے لیے ری مکس کے نام پر توڑ مروڑ کر فلموں میں شامل کرتے ہیں۔

بالی ووڈ کے کلاسک گانوں کی اس بے توقیری پر جاوید اختر کافی عرصے سے اپنی آواز بلند کررہے ہیں اور اب بالی ووڈ کے ایک اور نامور ریپر و گلوکار باباسہگل نے بھی اس معاملے پر آوازاٹھائی ہے۔ بابا سہگل نے ٹوئٹر پرکہا کہ اب بالی ووڈ کے پرانے اور کلاسک گانوں کو ری مکس اور ری کری ایٹنگ کے نام پربگڑنا بند ہوجانا چاہئیے۔

اس خبرکوبھی پڑھیں: جاوید اختر ماضی کے مقبول گیتوں کے ری میک بنانے پر پھٹ پڑے

بابا سہگل نے کہا اس میں کوئی برائی نہیں کہ ایک گانا پھر سے بنایا جاتا ہےلیکن ایسا کرنے میں گانوں کی جو کوالٹی نکل کر سامنے آرہی ہے وہ بہت قابل رحم اور افسوسناک ہے، کیونکہ گانوں کا ری مکس بنانے میں کوئی تخلیقی صلاحیت استعمال نہیں ہورہی اور فلمساز صرف پرانے گانوں کو توڑ مروڑ کر ان کی مقبولیت سے فائدہ اٹھانا چاہتے ہیں۔

اس خبرکوبھی پڑھیں: بالی ووڈ کی چوری پر سینہ زوری

بابا سہگل نے کہا مہربانی کرکے نئے ٹیلنٹ کو موقع دو اور اوریجنل کو برباد کرنا بند کرو،اب بالی ووڈ کاپی ووڈ بن چکا ہے۔

واضح رہے کہ 54 سالہ گلوکار بابا سہگل نے اپنے کیریئر کا آغاز 90 کی دہائی میں کیاتھا وہ بالی ووڈ کی متعدد فلموں کے لیے گلوکاری بھی کرچکے ہیں۔