- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
سرکاری جامعات کے وائس چانسلرز اور ڈائریکٹر فنانس کی تقرریوں کے عمل میں بے قاعدگیاں
کراچی: سرکاری جامعات کے وائس چانسلرز اور ڈائریکٹر فنانس کی تقرریوں کے عمل میں بے قاعدگیاں سامنے آئی ہیں۔
حکومت سندھ کے محکمہ یونیورسٹیز اینڈ بورڈ کی جانب سے جامعات کے وائس چانسلرز اور ڈائریکٹر فنانس کی تقرری کے سلسلے میں بدترین بے قاعدگیاں اور بدنظمی سامنے آئی ہے۔
محکمہ یونیورسٹیز اینڈ بورڈ نے پہلے پیپلز میڈیکل یونیورسٹی برائے خواتین بینظیر آباد میں ایک زائدالعمر سفارشی امیدوار کو وائس چانسلر کی تقرری کے لئے منعقدہ انٹرویومیں شامل کروانے کی غرض سے انٹرویو رکوانے کی کوشش کی تاہم جب تلاش کمیٹی کی جانب سے شارٹ لسٹ امیدواروں کے انٹرویو نہیں روکے گئے تو اس یونیورسٹی میں بھرتی کا پورا عمل وقتی طور پر رکواتے ہوئے عمر کی حد میں تبدیلی کردی گئی اور ایک اشتہار کے ذریعے عمر کی حد 62 برس سے بڑھا کر 65 برس کردی گئی جبکہ پہلے اشتہار کے تحت انٹر ویو دینے والے 62 برس یا اس سے کم عمر کے امیدوار کی بھرتی کا تمام عمل روک دیا گیا۔
بات صرف یہی نہیں رکی بلکہ اب محکمہ یونیورسٹیز اینڈ بورڈ نے متعلقہ سفارشی امیدوار کو پیپلز میڈیکل یونیورسٹی برائے خواتین بینظیر آباد کے وائس چانسلر کے انٹرویو کے عمل میں شامل کرانے کے لئے دیگر تمام سرکاری جامعات میں بھی وائس چانسلر کی تقرری کی عمر 62 سے بڑھاکر 65 کردی گئی ہے۔
جن جامعات کے اشتہار میں وائس چانسلر کی عمر کی حد 62 برس تھی وہاں دوبارہ اشتہار کے ذریعے اسے 65 برس کیا جارہاہے، بتایا جارہاہے کہ متعلقہ امیدوار انٹرویو کے روز وزیر اعلیٰ ہاؤس جاکر بیٹھ گئے تھے اور وہاں سے محکمہ یونیورسٹیز اینڈ بورڈ اور سرچ کمیٹی کو فون کرا کے انٹرویو رکوانے کی کوشش کی گئی۔
علاوہ ازیں سرکاری جامعات کے ڈائریکٹر فنانس کی بھرتیوں کے سلسلے میں محکمہ یونیورسٹیز اینڈ بورڈ نے اچانک فیصلہ کرتے ہوئے انٹرویو سے قبل تحریری ٹیسٹ لینے کا فیصلہ کیا ہے۔ یہ تحریری ٹیسٹ آئی بی اے کراچی 28 جولائی کو لے گا، 400 کے قریب ڈائریکٹر فنانس کے امیدواروں سے بذریعہ خط کہا گیا ہے کہ ان سے محض جنرل نالج کا ٹیسٹ لیا جائے گا۔
حکومت سندھ کے ایک سینئر افسر اور ایک سرکاری یونیورسٹی کے ڈائریکٹر فنانس نے ایکسپریس سے بات کرتے ہوئے بتایا کہ جب رواں سال مارچ میں 14 مختلف جامعات میں ڈائریکٹر فنانس کی آسامیوں کا اشتہار آیا تھا تو اس میں ٹیسٹ کا ذکر نہیں تھا بلکہ کہا گیا تھا کہ اس آسامی پر سرچ کمیٹی کے ذریعے بھرتی کی جائے گی۔ امیدواروں کا کہنا تھا کہ اتنی سینئر پوسٹ کے لئے کہیں بھی ٹیسٹ نہیں لئے جاتے ہم آپس میں صلح مشورہ کرکے عدالت سے رجوع کرنے کا سوچ رہے ہیں۔
ادھر ایکسپریس نے جب ان معاملات پر سیکریٹری یونیورسٹیز اینڈ بورڈز ریاض الدین سے رابطہ کیا اور ان سے پوچھا گیا کہ کس ممکنہ امیدوار کی سفارش پر پیپلز میڈیکل یونیورسٹی بینظیر آبادمیں وائس کی بھرتی کا عمل روک کر عمر کی حد تبدیل کی گئی ہے جس پر ان کا کہنا تھا کہ کسی کی سفارش نہیں ہے زیادہ مسابقت کے لئے عمر کی حد بڑھائی گئی ہے یہ گورنمنٹ کا فیصلہ ہے۔ ڈائریکٹر فنانس پر ان کا کہنا تھا کہ اگر ٹیسٹ دینے پر کسی کو اعتراض ہے تو عدالت چلاجائے ہم نے میرٹ کے لئے ٹیسٹ رکھا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔