شاہ رخ خان کے بیٹے آریان نے بالی ووڈ میں اپنا جلوہ دکھا ہی دیا

 ممبئی: بالی ووڈ کنگ شاہ رخ خان کے  بیٹے آریان  نے بھی بالی ووڈ میں  اپنا جلوہ دکھا دیا۔

کچھ ماہ قبل شاہ رخ خان نے اپنے بیٹے کی فلم نگری میں انٹری سے متعلق اعلان کیا تھا جس میں انہوں نے بتایا تھا کہ آریان خان ابتدائی طور پر فلم نگری میں اداکاری نہیں بلکہ اپنی آواز کا جادو جگائیں گے۔ کنگ خان کے اعلان کے بعد سے ہی اُن کے مداحوں کو آریان کی اس فلم کا بے صبری سے انتظار تھا تاہم اب خان فیملی کے اس بیٹے کی پہلی فلم کا پرومو جاری کردیا گیا۔

Mera Simba.. #TheLionKing @disneyfilmindia pic.twitter.com/kC66BMBOVE

— Shah Rukh Khan (@iamsrk) July 11, 2019

شاہ رخ خان نے سماجی رابطے کی ویب سائٹ ٹوئٹر پر  ہالی ووڈ فلم ’دی لوائن کنگ‘ کا چھوٹا سا پرومو پوسٹ کیا جس میں فلم کے مشہور کردار ’سمبا‘ کو دکھایا گیا ہے،اس پرومو کی خاص بات یہ ہے کہ ’سمبا‘ کی پس پردہ آواز شاہ رخ خان کے بیٹے ’آریان خان‘ کی ہے ۔

Young Lions don’t tweet so on behalf of Simba #AryanKhan I want to thank u all for appreciating his effort. Also thx to @disneyfilmindia & the team at Sound & Vision ( Mona & Mayur gang) & doesn’t his voice sound a bit familiar? Or is it just me?

— Shah Rukh Khan (@iamsrk) July 11, 2019

شاہ رخ خان نے اپنی ایک اور ٹوئٹ میں کہا کہ نوجوان شیر نے ٹوئٹ نہیں کی اس لئے میں اُن کی طرف سے حوصلہ افزائی پر شکریہ ادا کرنا چاہتا ہوں اور ساتھ ہی ڈزنی فلم انڈیا اور دیگر ٹیم کا شکریہ بھی ادا کرتا ہوں۔ ساتھ ہی شاہ رخ خان نے یہ بھی کہا کہ کیا آریان کی آواز میری آواز سے ملتی جلتی ہے یا یہ میری ہی آواز ہے۔

واضح رہے کہ فلم ’لوائن آف کنگ ‘ کا اینی میٹڈ ورژن  انگلش، ہندی، تامل اور تیلگو زبانوں میں ریلیز کیا جائے گا جس میں  ’مفاصہ‘ کے کرداد میں شاہ رخ خان نے اپنی آواز کا جادو جگایا ہے، فلم رواں ماہ 19 جولائی کو سنیما گھروں کی زینت بنے گی۔