- فوج نے جنرل (ر) فیض حمید کیخلاف الزامات پر انکوائری کمیٹی بنادی
- ٹی 20 ورلڈ کپ: ویرات کوہلی کو بھارتی اسکواڈ میں شامل کرنے کا فیصلہ
- کراچی میں ڈاکو راج؛ جماعت اسلامی کا ایس ایس پی آفسز پر احتجاج کا اعلان
- کراچی؛ سابق ایس ایچ او اور ہیڈ محرر 3 روزہ ریمانڈ پر پولیس کے حوالے
- شمالی وزیرستان میں پاک-افغان سرحد پر دراندازی کی کوشش کرنے والے7دہشت گرد ہلاک
- کیا یواے ای میں ریکارڈ توڑ بارش ’’کلاؤڈ سیڈنگ‘‘ کی وجہ سے ہوئی؟ حکام کی وضاحت
- اسلام آباد میں غیرملکی شہری کو گاڑی میں لوٹ لیا گیا
- بیلف اعظم سواتی کو ایف آئی اے سائبر کرائم سے برآمد کراکے پیش کرے، عدالت
- بلوچستان کے مختلف اضلاع میں طوفانی بارش کا سلسلہ جاری، ندی نالوں میں طغیانی
- قومی ٹیم میں تمام کھلاڑی پرفارمنس کی بنیاد پر آتے ہیں، بابراعظم
- فوج کی کسی شخصیت کا نام لینا اور ادارے کا نام لینا علیحدہ باتیں ہیں، بیرسٹر گوہر
- قائد اعظم یونیورسٹی شعبہ جاتی کارکردگی میں عالمی سطح پر بہترین جامعات میں شامل
- سابق ٹیسٹ کپتان سعید انور جعلی سوشل میڈیا اکاؤنٹ سے پریشان
- کنگنا رناوت کی بکواس کا جواب دینا ضروری نہیں سمجھتی؛ پریانکا گاندھی
- سائفر کیس میں وزارتِ خارجہ کے بجائے داخلہ مدعی کیوں بنی، چیف جسٹس اسلام آباد ہائیکورٹ
- اسٹاک مارکیٹ میں مندی کا رجحان، انڈیکس 70 ہزار 333 پوائنٹس پر بند
- 19 ویں صدی کے قلعہ سے 100 برس پُرانی برطانوی ٹرین کار دریافت
- وزن کم کرنیوالی ادویات اور خودکشی کے خیالات میں تعلق کے متعلق اہم انکشاف
- مصنوعی ذہانت کے سبب توانائی کی کھپت میں اضافے کا خطرہ
- امریکا کی ایران کو نئی پابندیاں عائد کرنے کی دھمکی
تیسئر ٹاؤن میں آپریشن، اربوں روپے مالیت کی اراضی واگزار
کراچی: کراچی میں لینڈ مافیا ایک مرتبہ پھر متحرک ہونے لگا، دیہہ تیسر میں قیمتی سرکاری اراضی پر قبضے کی کوشش ناکام، ایم ڈی اے کے ڈیمالیشن اسکواڈ اور پولیس نے بھاری مشینری کے ہمراہ مشترکہ آپریشن کرتے ہوئے اربوں مالیت کی اراضی واگزار کرالی۔
ایکسپریس کے مطابق ادارہ ترقیات ملیر کے ڈیمالیشن اسکواڈ نے تیسر ٹاﺅن اسکیم 45 کے سیکٹر 56 میں طاقتور لینڈ مافیا کی جانب سے قیمتی کمرشل سرکاری اراضی پر کیے جانے والے قبضے کے خلاف ایک کامیاب آپریشن کرتے ہوئے اربوں روپے مالیت کی قیمتی اراضی کو لینڈ مافیا سے واگزار کرالیا۔
ذرائع کا کہنا ہے کہ آپریشن میں محکمہ لینڈ انفورسمنٹ کے عملے اور علاقہ پولیس نے حصہ لیا، لینڈ مافیا کی جانب سے سرکاری اراضی پر قبضہ کرکے گھروں کی تعمیر بھی شروع کردی گئی تھی جنہیں بھاری مشینری سے مسمار کیا گیا ہے۔ ایم ڈی اے ذرائع کا کہنا ہے کہ 15 ایکڑ قیمتی کمرشل اراضی کو کامیاب آپریشن کے بعد واگزار کرایا گیا ہے۔
واضح رہے کہ شہر بھر میں لینڈ مافیا نے ایک مرتبہ پھر پنجے گاڑنے شروع کردیئے ہیں اور اس سلسلے میں سرجانی اور نارتھ کراچی میں موجود قیمتی سرکاری و رفاعی اراضی پر قبضوں کی شکایات میں کئی گنا اضافہ ہوگیا ہے۔
اس سلسلے میں ادارہ ترقیات کراچی (کے ڈی اے) کے ذمہ دار ذرائع کا کہنا ہے کہ محکمہ لینڈ کے کرپٹ افسران کی مبینہ ملی بھگت سے قبضوں کا سلسلہ شروع کیا گیا ہے جس کےخلاف کے ڈی اے حکام کارروائی کرنے کے بجائے پراسرار خاموشی اختیار کیے ہوئے ہیں۔
کے ڈی اے ذرائع کے مطابق سرجانی سیکٹر 8 کے کمرشل پلاٹس پر لینڈ مافیا کی سرگرمیاں تاحال جاری ہیں جبکہ نارتھ کراچی سیکٹر فائیو اے ون میں قائم ایس ٹی پر قبضہ کر کے مکانات کی تعمیرات تیزی سے جاری ہیں جس کے خلاف ڈی جی کے ڈی اے کو شکایات درج کرانے کے باوجود کوئی کارروائی عمل میں نہیں لائی گئی جس کے باعث قبضہ مافیا اور متعلقہ افسران کی مبینہ ملی بھگت سے قبضوں کا سلسلہ زور و شور سے جاری ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔