علی ظفرکی طرف داری پرمیشا دھمکارہی ہیں، وزیراعظم کے بھانجے کا الزام

کراچی: وزیراعظم عمران خان کے بھانجے بیرسٹراورسماجی کارکن حسان خان نیازی نے گلوکارہ میشا شفیع پرالزام لگایا ہے کہ انہیں علی ظفرکی طرفداری کرنے اور میشا شفیع کی غیرملکی فنڈنگ پر سوالات اٹھانے پران کی جانب سے دھمکایا جارہا ہے۔

گلوکارہ میشا شفیع نے گزشتہ برس علی ظفرپر’می ٹو‘ مہم کے تحت جنسی ہراسانی کا الزام لگایا تھا، اس معاملے کو ایک سال سے زائد کا عرصہ گزرچکا ہے، اس وقت یہ معاملہ عدالت میں ہے تاہم اس عرصے میں اس تنازع نے کئی موڑ لیے ہیں۔

حال ہی میں وزیراعظم عمران خان کے بھانجے بیرسٹراورسماجی کارکن حسان نیازی نے گلوکارہ میشا شفیع پرالزام لگاتے ہوئے کہا ہے کہ میشا اوران کی ٹیم کی جانب سے انہیں دھمکیاں دی جارہی ہیں کہ وہ می ٹومہم کو میرے خلاف استعمال کرسکتی ہیں کیونکہ میں نے میشا شفیع کوملنے والی غیر ملکی فنڈنگ پر سوال اٹھائے تھے۔

حسان نیازی نے کہا میشا شفیع اپنے ذاتی مقاصد اور’پوائنٹ اسکورنگ‘ کے لیے می ٹومہم کا غلط استعمال کررہی ہیں لیکن میں یہاں واضح کرنا چاہتا ہوں کہ اگرمجھے بلیک میل کیا گیا تومیں انہیں مزید بے نقاب کروں گا۔  اس کے ساتھ ہی حسن نیازی نے اپنی ٹوئٹ میں ہیش ٹیگ ’میشا وومن کارڈ استعمال‘ کررہی ہیں بھی لکھا۔

Meesha team hits new low. Sending me threats of MeToo campaign against me. Typical Ayesha Gulalai mindset in community, which damages the metoo campaign for their personal point scoring. Let me make it clear,blackmail me and I will expose u more #MeeshaUsingWomenCard

— Hassaan Niazi (@HniaziISF) July 10, 2019

واضح رہے کہ حسان نیازی نے میشا شفیع کو علی ظفر کے خلاف جعلی گواہ پیش کرنے پر تنقید کانشانہ بناتے ہوئے انہیں اور ان کی ٹیم کو ملنے والی غیر ملکی فنڈنگ پر سوال اٹھائے تھے۔

What a frustrated tweet by Meesha Shafi.Instead of changing her legal team,which is full of bullies,Meesha wants me to “get a life”- so I will post the bank statement tonight or tomorrow and explain the issue in foreign funding and how ur team has put forward fake witnesses(1/2) pic.twitter.com/MANY2MFKOb

— Hassaan Niazi (@HniaziISF) July 9, 2019

دوسری جانب میشا شفیع نے حسان نیازی کے ان الزامات کو رد کرتے ہوئے کہا ہے کہ میں اس شخص سے نہ کبھی ملی ہوں اور نہ ہی میں نے اس پر الزام لگایا ہے، اگرچہ اس نے مجھے گزشتہ برس پیغام بھیجا تھا لیکن مجھے یاد نہیں کہ میں نے اسے جواب دیا تھا۔

Hain? Don’t think I’ve ever met this guy and neither am I accusing him of anything. Although he did inbox me for an RT last year. Don’t remember if I responded. Do remember that I didn’t RT. pic.twitter.com/fqaDagVdiT

— MEESHA SHAFI (@itsmeeshashafi) July 12, 2019