مشیرخارجہ سرتاج عزیز کی بھارتی وزیرخارجہ سے کرغیزستان میں کل ملاقات متوقع

بشکیک: شنگھائی تعاون تنظیم کا اجلاس کل کرغیزستان میں شروع ہو رہا ہے جہاں مشیر  خارجہ  سرتاج عزیز اور بھارتی وزیر خارجہ سلمان خورشید کی ملاقات ہو گی۔

کرغیزستان کے دارالحکومت بشکیک میں ہونے والے اجلاس کے دوران سرتاج عزیز اورسلمان خورشید لائن آف کنٹرول پر جاری کشیدگی پر تبادلہ خیال کریں گے اورپاک، بھارت وزرائے اعظم کی  رواں ماہ  نیویارک میں اقوام متحدہ کے جنرل اسمبلی کے اجلاس کے دوران ہونے والی ملاقات کے لئے لائحہ عمل طے کریں گے، توقع ہے کہ مشیرخارجہ اوربھارتی وزیرخارجہ کی  ملاقات سے لائن آف کنٹرول پر جاری کشیدگی کو کم کرنے میں بھی مدد ملے گی۔