سعوی حکومت کی جانب سے عامر خان کو روضہ رسولﷺ کے غلاف کا تحفہ

میاں اصغر سلیمی  اتوار 14 جولائی 2019
یہ تحفہ میری زندگی کا اثاثہ ہے جس پر اللہ تعالی کا جتنا شکر ادا کروں کم ہے، عامر خان

یہ تحفہ میری زندگی کا اثاثہ ہے جس پر اللہ تعالی کا جتنا شکر ادا کروں کم ہے، عامر خان

جدہ: آسٹریلوی باکسر بلی ڈب کو ناک آﺅٹ کرنے کے بعد پاکستانی نژاد برطانوی باکسر عامر خان کوزندگی کا بڑا تحفہ مل گیا۔

عالمی شہرت یافتہ باکسر عامر خان کو حضرت محمد صلی اللہ علیہ والہ وسلم کے روضہ مبارک کے غلاف سے نوازا گیا ہے ، سعودی عرب میں موجود عامر خان نے اپنی اہلیہ فریال مخدوم کے ہمراہ عمرہ کی سعادت بھی حاصل کی

حضرت محمد صلی اللہ علیہ والہ وسلم کے روضہ مبارک کے غلاف اور عمرہ کی سعادت حاصل کرنے کے بعد عامر خان نے یہ دونوں تصاویر سوشل میڈیا پر بھی شیئر کی ہیں۔

پاکستانی نژاد برطانوی باکسر عامر خان کو حضرت محمد صلی اللہ علیہ والہ وسلم کے روضہ مبارک کا غلاف سعودی عرب کی جانب سے تحفے میں دیا گیا ہے جس پر وہ بہت زیادہ خوش ہیں۔ اس بیش قیمت تحفے کے حوالے سے عامر خان کا کہنا ہے کہ میں بڑا خوش قسمت ہوں کہ مجھے حضرت محمد صلی اللہ علیہ والہ وسلم کے روضہ مبارک کے غلاف سے نوازا گیا ہے، یہ تحفہ میری زندگی کا اثاثہ ہے جس پر اللہ تعالی کا جتنا شکر ادا کروں کم ہے۔

https://twitter.com/amirkingkhan/status/1149657297246777344

واضح رہے پاکستانی نژاد برطانوی باکسر عامر خان نے آسٹریلوی باکسر بلی ڈب کو فائٹ کے چوتھے راﺅنڈ میں ناک آﺅٹ کیا تھا۔ سعودی عرب کے شہر جدہ کے کنگ عبداللہ اسٹیڈیم میں ہونے والی فائٹ میں عامر خان حریف باکسر کے خلاف تینوں راﺅنڈز میں حاوی رہے اور چوتھے راونڈ میں بلی ڈب کو ناک آﺅٹ کر کے مقابلہ اپنے نام کیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔