اداکارہ صنم سعید نفسیاتی مسائل کا شکار افراد کے لئے میدان میں آگئیں

 کراچی: معروف پاکستانی ڈرامہ اداکارہ و ماڈل صنم سعید خودکشی روکنے اور  نفسیاتی مسائل کا شکار افراد کے لئے میدان میں آگئیں۔

اداکارہ نے سماجی رابطے کی ویب سائٹ ٹوئٹر پر اپنی ٹوئٹ میں خودکشی کرنے والوں کے حوالے سے کہا کہ اس وقت ہمیں خود کشی کی روک تھام کے لئے فوری کارروائی کرنے کی ضرورت ہے کیوں کہ یہاں خودکشی اور نفسیاتی بیماری سے متعلق کوئی بھی مفت ہیلپ لائن نہیں ہے۔

We need a call to action for this. There is no free helpline for suicide, or any mental health related trauma. We need a toll free number to get help at the end of the line, to help save lives. Also, break the stigma, the taboo. There is no shame is seeking mental health help.

— Sanam Saeed (@sanammodysaeed) July 16, 2019

صنم سعید نے یہ بھی کہا کہ ہمیں اس وقت ایسے ٹول فری نمبر کی ضرورت ہے تاکہ دوسری جانب کسی مددگار سے بات کی جا سکے۔ اس طرح  کئی انسانی جانیں بچائی جا سکیں اور گھسی پٹی روایتی سوچ کو ختم کیا جا سکے کیوں کہ نفسیاتی صحت کے لئے مدد لینے میں شرم کیسی۔