سونے کی فی تولہ قیمت ایک بار پھر 83 ہزار سے تجاوز کرگئی

ویب ڈیسک  جمعرات 18 جولائی 2019
فی اونس قیمت میں یک دم 19 ڈالر کا اضافہ ہونے سے نئی قیمت بڑھ کر 1422 ڈالر ہوگئی۔ فوٹو: فائل

فی اونس قیمت میں یک دم 19 ڈالر کا اضافہ ہونے سے نئی قیمت بڑھ کر 1422 ڈالر ہوگئی۔ فوٹو: فائل

کراچی: مقامی صرافہ مارکیٹوں میں سونے کی فی تولہ قیمت 750 روپے اضافے کے  بعد 83 ہزار 400 روپے ہوگئی ہے۔

ایکسپریس نیوزکے مطابق روپے کی بے قدری اور ڈالر کی اونچی اڑان بدستور جاری ہے، اور دوسری جانب ڈالر کی بڑھتی قیمت کا اثر بھی ملکی صرافہ مارکیٹوں میں بھی نظر آرہا ہے، جمعرات کے روز سونے کی فی تولہ اور 10 گرام سونے کی قیمتوں میں بالترتیب 750 روپے اور 643 روپے کا اضافہ ہوگیا جب کہ عالمی مارکیٹ میں بھی سونے کی فی اونس قیمت میں یک دم 19 ڈالر کا اضافہ ہونے سے نئی قیمت بڑھ کر 1422 ڈالر ہوگئی۔

قیمت میں اضافے کے بعد  کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 83 ہزار 400 روپے جب کہ دس گرام سونے کی قیمت اضافے کے بعد 71 ہزار 485 روپے ہوگئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔