بھارتی پیرا ملٹری فورس کی گاڑی کو حادثہ، ایک افسر ہلاک اور 2 زخمی

ویب ڈیسک  جمعـء 19 جولائ 2019
تیز رفتار کار کی ٹکر سے پیرا ملٹری افسر کے ڈرائیور اور باڈی گارڈ کو شدید چوٹیں آئیں۔ فوٹو : بھارتی میڈیا

تیز رفتار کار کی ٹکر سے پیرا ملٹری افسر کے ڈرائیور اور باڈی گارڈ کو شدید چوٹیں آئیں۔ فوٹو : بھارتی میڈیا

نئی دلی: بھارتی دارالحکومت میں پیرا ملٹری فورس کی گاڑی اور کار کے تصادم میں ایک افسر ہلاک اور 2 زخمی ہوگئے۔

بھارتی میڈیا کے مطابق جنوبی دہلی کے علاقے گریٹر کیلاش میں پیرا ملٹری فورس (CRPF) کے افسر ڈرائیور اور باڈی گارڈ کے ہمراہ اپنے دفتر جا رہے تھے کہ سامنے سے آنے والی تیز رفتار کار سے خوفناک تصادم ہوگیا۔

کار تصادم میں سرکاری گاڑی میں سوار تینوں افراد شدید زخمی ہوگئے جنہیں قریبی اسپتال لے جایا گیا تاہم پیرا ملٹری افسر 24 سالہ نریندر دوران علاج زیادہ خون بہہ جانے کے باعث دم توڑ گیا جب کہ ڈرائیور 36 سالہ ونود کمار اور اہلکار 38 بابو یادیو زیر علاج ہیں۔

سینٹرل ریزرو پولیس فورس کے افسر کی ہلاکت پر سرکاری گاڑی کو ٹکر مارنے والے نوجوان کو حراست میں لے لیا گیا ہے، نوجوان نوائیڈا کے معروف بزنس مین کا بیٹا اور مقامی کالج کا طالب علم ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔