وزیراعظم کی امریکی تاجروں کو پاکستان میں سرمایہ کاری کی پیشکش

 واشنگٹن: وزیراعظم عمران خان نے امریکی تاجروں سے ملاقات کرکے انہیں پاکستان میں سرمایہ کاری کی پیشکش کی ہے۔ 

واشنگٹن میں وزیراعظم عمران خان سے ٹیکساس سے تعلق رکھنے والے پاکستانی نژاد بزنس مین اور ڈیموکریٹک پارٹی کے رکن طاہر جاوید نے ملاقات کی جب کہ امریکن بزنس مین جاوید انور نے بھی وزیراعظم عمران خان سے ملاقات کی۔

سرکاری خبررساں ادارے کے مطابق وزیراعظم نے امریکی تاجروں اور سرمایہ کاروں کو پاکستان میں سرمایہ کاری کی پیشکش کرتے ہوئے کہا کہ پاکستان میں اقتصادی اور کاروباری مواقعوں سے فائدہ اٹھائیں۔

دوسری جانب سرمایہ کاروں نے بھی پاکستان میں سلامتی کی بہتر صورت حال کو سراہا اور ساتھ ہی توانائی و سیاحت سمیت سرمایہ کاری کی دلچسپی کے دیگر اہم شعبوں کی نشاندہی بھی کی۔

اس سے قبل وزیراعظم عمران خان کے امریکا پہنچے پر امریکا میں مقیم پاکستانیوں کی بڑی تعداد نے وزیراعظم کو خوش آمدید کہا اور پاکستان ہاوٴس پہنچنے پر ان کا پرتپاک استقبال کیا گیا، وہاں موجود افراد نے پلے کارڈز بھی اٹھا رکھے تھے جن پر پاکستان زندہ باد کے نعرے درج تھے۔

Neverending Pakistan flags,and the sound of the traditional dhol. Very proudly Pakistani crowds in DC welcoming PM Imran Khan. In the words of someone from the crowds “Tabdeeli DC Pohanch Chuki Hai”. It’s going to be a massive show of Pakistani strength tomorrow! #PMIKVisitingUS pic.twitter.com/OK1S3bXWeV

— PTI (@PTIofficial) July 20, 2019

واضح رہے وزیراعظم عمران خان 3 روزہ دورے پر امریکا میں موجود ہیں جہاں وہ جولائی کو وائٹ ہاؤس میں امریکی صدر ڈونلڈ ٹرمپ سے ملاقات کریں گے جب کہ وزیراعظم عالمی بینک کے صدر اور دیگر کاروباری شخصیات سے ملاقاتوں کے علاوہ پاکستانی کمیونٹی سے خطاب اور پاکستان بزنس سمٹ میں شرکت بھی کریں گے۔