فیس ایپ بھی ماہ نور بلوچ کو بوڑھا نہ کرسکی؟

ویب ڈیسک  پير 22 جولائ 2019
سماجی رابطے کی سائٹس پر صارفین کوششوں میں مصروف ہیں کہ کس طرح ماہ نور بلوچ کو بوڑھا دکھایا جائے. فوٹو : فائل

سماجی رابطے کی سائٹس پر صارفین کوششوں میں مصروف ہیں کہ کس طرح ماہ نور بلوچ کو بوڑھا دکھایا جائے. فوٹو : فائل

فیس ایپ نے کھلاڑیوں اور اداکاروں کو تو ان کے مستقبل کی سیر کرادی لیکن ماہ نور بلوچ کو فیس ایپ بھی بوڑھا نہ کرسکی ہے۔

فیس ایپ نے جہاں لوگوں کو اپنے سحر میں جکڑ رکھا ہے وہیں اداکاروں، کھلاڑیوں سمیت دیگر نامور شخصیات نے بھی فیس ایپ کا استعمال کرکے اپنی تصاویر شیئر کیں لیکن نامور اداکارہ ماہ نور بلوچ کو فیس ایپ بھی بوڑھا کرنے کو تیار نہیں۔ سماجی رابطے کی سائٹس پر صارفین پوری کوششوں میں مصروف ہیں کہ کسی طرح ماہ نور بلوچ کو بوڑھا دکھایا جائے تاہم کسی کو اس میں خاص کامیابی حاصل نہیں ہوئی۔

اس خبر کو بھی پڑھیں : ماہ نور بلوچ کی تصاویر سوشل میڈیا پر ایک بار پھر وائرل

سماجی رابطے کی سائٹس پر اب نئی بحث چھڑگئی ہے جس میں صارفین کا کہنا ہے کہ فیس ایپ بھی ماہ نور بلوچ کو بوڑھا نہیں کرسکتی، متعدد صارفین نے فیس ایپ پر ماہ نور بلوچ کی تصاویر شیئر کی ہیں لیکن تمام میں ماہ نو بلوچ خوبرو اور جوان نظر آرہی ہیں۔

ایک ٹوئٹر صارف نے پوسٹ شیئر کی جس میں عاطف اسلم، حمزہ علی عباسی اور مایا علی کو تو بوڑھا دکھایا گیا ہے لیکن ماہ نور بلوچ جوان نظر آرہی ہیں۔

ایک اور صارف نے ٹوئٹر پر تصویر شیئر کی جس میں ماہ نور بلوچ کی شخصیت پر فیس ایپ کا کوئی اثر نظر نہیں آرہا۔

مشال خان نامی صارف کو شاید فیس ایپ پر کچھ کامیابی ملی اور انہوں نے ماہ نور بلوچ کی بوڑھی تصویر شیئر کی اور لکھا کہ اب میں سکون سے مر سکتی ہوں۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔