- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
ننھی منی ’’پاکٹ شارک‘‘ جو اندھیرے میں چمکتی بھی ہے!
میکسیکو: سائنسدانوں نے شارک کی ایک ننھی منی قسم شناخت کی ہے جس کا جسم روشنی میں تو سیاہ دکھائی دیتا ہے لیکن اس کی پوری کھال پر ’’فوٹو فورز‘‘ نامی غدود موجود ہیں جن کی وجہ سے یہ اندھیری میں چمکتی بھی ہے۔ اس کی جسامت صرف 5.5 اِنچ ہے، یعنی یہ ایک عام انسان کی ہتھیلی سے بھی چھوٹی ہے۔
اسے پہلے پہل فروری 2010ء میں خلیج میکسیکو سے، تقریباً 1100 فٹ کی سمندری گہرائی میں دریافت کیا گیا تھا لیکن تب اسے 1979ء میں دریافت کی گئی ایک اور پاکٹ شارک کا دوسرا زندہ نمونہ سمجھ لیا گیا۔ البتہ، حال ہی میں جب اس کا نئے سرے سے جائزہ لیا گیا تو معلوم ہوا کہ یہ پاکٹ شارک کی ایک نئی نوع ہے جو سابقہ دریافت کے مقابلے میں خاصی مختلف بھی ہے۔
یہ اتنی نایاب ہے کہ گزشتہ ساڑھے نو سال کے دوران ایسی کوئی دوسری پاکٹ شارک نہیں مل سکی ہے، جبکہ پچھلے چالیس سال میں صرف دو پاکٹ شارکس ہی دریافت کی جاسکی ہیں۔
اس نئی نوع کو Mollisquama mississippiensis کا سائنسی نام دیا گیا ہے؛ جبکہ اس کی تفصیلات ’’زوٹیکسا‘‘ نامی ریسرچ جرنل میں شائع ہوئی ہیں۔
واضح رہے کہ عام خیال کے برعکس، شارک مچھلیاں بھی مختلف جسامتوں کی ہوتی ہیں جن میں 46 فٹ طویل ’’وہیل شارک‘‘ سے لے کر صرف 6 اِنچ جتنی ’’ڈوارف لینٹرن شارک‘‘ تک شامل ہیں۔ نئی شناخت کی گئی پاکٹ شارک کی جسامت، ڈوارف لینٹرن شارک سے بھی کم ہے لیکن صرف ایک نمونے کی بنیاد پر اس کے سب سے چھوٹی شارک ہونے کا حتمی فیصلہ نہیں کیا جاسکتا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔