- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
جامعہ کراچی میں داخلے رجحان ٹیسٹ کی بنیاد پر دینے پر غور
کراچی: جامعہ کراچی کی انتظامیہ نے گزشتہ برس این ای ڈی یونیورسٹی کے رجحان ٹیسٹ میں سندھ کے تعلیمی بورڈز کے طلبا کی بدترین کارکردگی سامنے آنے کے بعد یونیورسٹی کے بیشتر شعبہ جات میں داخلے رجحان ٹیسٹ کی بنیاد پر دیے جانے پر غور شروع کردیا ہے۔
این ای ڈی یونیورسٹی میں گزشتہ برس اندرون سندھ کے تعلیمی بورڈز کے طلبا کی کامیابی کی شرح 31 فیصد سے زائد نہیں تھی اس صورتحال پر جامعہ کراچی نے تعلیمی سال 2014 میں ماسٹرز اور بیچلرز کی داخلہ پالیسی کو حتمی شکل دینے کے لیے یونیورسٹی کی اکیڈمک کونسل کا اجلاس شیخ الجامعہ ڈاکٹر محمد قیصر کی زیر صدارت بدھ 25 ستمبر کوطلب کیا ہے، اجلاس میں جامعہ کراچی کی داخلہ پالیسی میں یونیورسٹی کے بیشتر شعبوں میں رجحان ٹیسٹ متعارف کروائے جانے کی منظوری متوقع ہے منظوری کی صورت میں جامعہ کراچی این ای ڈی یونیورسٹی کی طرز پر ماسوائے لسانیات کے شعبوں کے تمام شعبوں میں رجحان ٹیسٹ لیگی تاہم رجحان ٹیسٹ کے نمبر داخلوں کیلیے بننے والے میرٹ میں شامل نہیں ہوں گے اور این ای ڈی یونیورسٹی کی طرزپر داخلہ ٹیسٹ میں محض پاسنگ مارکس لانے ضروری ہوں گے۔
ذرئع نے بتایا ہے کہ اکیڈمک کونسل کے اراکین اگر راضی ہوئے تو داخلہ پالیسی میں رجحان ٹیسٹ متعارف کروانے کے بعد ٹیسٹ کا انعقاد مرکزی سطح پر ہوگا اور سائنس، آرٹس، کامرس ،معارف اسلامی اور فارمیسی کے مضامین سے بنیادی واقفیت رکھنے والے طلبا اپنی فیکلٹی کے تحت ان پرچوں کو حل کرسکیں گے، ایک سینئر پروفیسرکا کہنا ہے کہ یونیورسٹی انتظامیہ کراچی سمیت سندھ بھرکے طلبہ وطالبات کویونیورسٹی میں میرٹ کی بنیاد پر داخلوں کا موقع دینا چاہتی ہے اورمیرٹ کویقینی بنانے کیلیے شعبہ جاتی رجحان ٹیسٹ متعارف کروانے کی پالیسی پر غورکیا جارہا ہے۔
واضح رہے کہ گزشتہ برس این ای ڈی یونیورسٹی کے رجحان ٹیسٹ میں سندھ کے تعلیمی بورڈز سے انٹرکرنے والے طلبا کے نتائج کا مجموعی تناسب31 فیصد سے زائد نہ تھا صرف اعلیٰ ثانوی تعلیمی بورڈ کراچی سے انٹرکرنے والے طلبا میں سے 62 فیصد، لاڑکانہ بورڈ کے18فیصد،حیدرآباد بورڈکے 23 فیصد، میرپورخاص بورڈ کے 25 فیصد اور سکھر بورڈکے31 فیصد طلبا نے این ای ڈی کا رجحان ٹیسٹ پاس کیا تھا ،بعض تعلیمی بورڈ کے ٹاپ ٹین پوزیشن، اے ون اور اے گریڈ لینے والے طلبا بھی رجحان ٹیسٹ پاس نہیں کرسکے تھے،اس کے برعکس اے لیول کرکے ٹیسٹ میں شریک ہونیوالے 97 فیصد طلبا، آغاخان تعلیمی بورڈز سے فارغ 89 فیصد طلبا، فیڈرل بورڈ اور انٹربورڈکراچی سے شریک ہونے والے طلبا میں سے 62 فیصد نے ٹیسٹ پاس کیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔