- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
- پی ٹی آئی کا عدلیہ کی آزادی وعمران خان کی رہائی کیلیے ریلی کا اعلان
- ہائی کورٹ ججز کے خط پر چیف جسٹس کی زیرصدارت فل کورٹ اجلاس
- اسلام آباد اور خیبر پختون خوا میں زلزلے کے جھٹکے
- حافظ نعیم کی کامیابی کا نوٹیفکیشن جاری نہ کرنے پر الیکشن کمیشن کو نوٹس
- خیبر پختونخوا کے تعلیمی اداروں میں موسم بہار کی تعطیلات کا اعلان
- اسپیکر کے پی اسمبلی کو مخصوص نشستوں پر منتخب اراکین سے حلف لینے کا حکم
- امریکا میں چاقو بردار شخص کے حملے میں 4 افراد ہلاک اور 5 زخمی
- آئی پی ایل؛ ’’پریتی زنٹا نے مجھے اپنے ہاتھوں سے پراٹھے بناکر کھلائے‘‘
- اسلام آباد میں ویزا آفس آنے والی خاتون کے ساتھ زیادتی
شام پر امریکی فوج کے حملے کا خطرہ اب بھی برقرار ہے، جان کیری
دمشق / مقبوضہ بیت المقدس / تہران: امریکی وزیر خارجہ جان کیری نے کہا ہے کہ شام کے خلاف امریکی فوج کے حملے کا خطرہ اب بھی برقرار ہے۔
مقبوضہ بیت المقدس میں اسرائیلی وزیراعظم نیتن یاہو کے ساتھ پریس کانفرنس کرتے ہوئے امریکی وزیر خارجہ نے کہا کہ ہم کھوکھلی باتوں پر یقین نہیں رکھتے، جان کیری کا کہنا تھا کہ شام کے خلاف امریکی فوج کے حملے کا خطرہ اب بھی برقرار ہے۔ انھوں نے کہا کہ اپنے ہی لوگوں کے خلاف کیمیائی ہتھیار استعمال کرنے جیسے جرائم کو برداشت نہیں کیا جاسکتا۔ پریس کانفرنس سے خطاب کرتے ہوئے اسرائیلی وزیراعظم نے کہا کہ اگر شام کے کیمیائی ہتھیار ختم کردیے جائیں تو علاقہ زیادہ محفوظ ہو جائے گا۔
دوسری طرف شام کے وزیر برائے مفاہمت علی حیدر نے کہاکہ کیمیائی ہتھیاروں پر معاہدہ شام کی فتح ہے۔ یہ معاہدہ ایک طرف شام کو بحران سے نکلنے میں مدد دے گا تو دوسری جانب یہ شام کے خلاف جنگ کے خطرے کو ٹال دے گا۔ ان کا کہنا تھا کہ یہ شام کے لیے ایک جیت ہے جس کے لیے ہم روسی دوستوں کے شکرگزار ہیں۔
ادھر ایران اور اقوام متحدہ نے شام میں انسانی بنیادوں پر امداد فراہم کرنے کے معاہدے پر دستخط کر دیے ہیں۔ایرانی نائب وزیر خارجہ نے بتایا کہ ایران میں اپنے پہلے دورے پر آئی ہوئی اقوام متحدہ کی انسانی حقوق کی سربراہ ولیری اموس سے ملاقات میں ایران اور اقوام متحدہ نے شام سمیت مشرق وسطیٰ میں انسانی بنیادوں پر امداد فراہم کرنے کے معاہدے پر اتفاق کرتے ہوئے دستخط کیے۔ اقوام متحدہ نے گزشتہ روز باضابطہ طور پر شام کی جانب سے کیمیائی ہتھیاروں کے کنونشن میں شمولیت کی درخواست قبول کرلی ہے، یہ بات ایک خاتون ترجمان نے کہی، شام نے جمعرات کو کنونشن میں شامل ہونے کی درخواست دی تھی۔
شام میں حزب اختلاف کی نمائندہ قومی کونسل نے ڈاکٹر احمد طومے کو شام کا عبوری وزیر اعظم منتخب کیا ہے۔ عرب میڈیا کے مطابق 115 رکنی اتحاد نے اعتدال پسند ماہر دندان ڈاکٹراحمد طومے کا انتخاب استنبول میں کیا۔ شامی نیشنل کونسل کے ارکان کا خیال ہے کہ طومے حزب اختلاف کی ساکھ بہتر بنانے میں مدد کریں گے۔ عراقی وزارت داخلہ نے ان رپورٹوں کی سختی سے تردید کی ہے کہ شام نے اپنے کیمیاوی ہتھیار عراق پہنچا دیے ہیں۔
امریکی صدر باراک اوباما نے کہا ہے کہ شام کے معاملے میں سفارتی کوششوں کی ناکامی کی صورت میں فوجی حملے کا آپشن بدستور موجود ہے۔اتوار کو وائٹ ہاؤس کی طرف سے جاری کیے گئے ایک بیان میں امریکی صدر باراک اوباما نے شام کے ہتھیاروں کو تلف کرنے کے امریکا، روس معاہدے کا خیر مقدم کرتے ہوئے کہا کہ معاہدے پر عمل ہونے سے خطے میں کیمیائی ہتھیاروں کے دوبارہ استعمال کا خطرہ ختم ہوجائے گا، اگر بشار الاسد کی حکومت نے اس معاہدے کی خلاف ورزی کی تو اس کو خمیازہ بھگتنا ہوگا۔
علاوہ ازیں جاپان، فرانس، جرمن، چین، یورپی ممالک اور عرب لیگ نے شامی بحران پر روس امریکا معاہدے کا خیرمقدم کرتے ہوئے کہا کہ دونوں عالمی قوتوں کی سنجیدہ کوششوں سے دنیا ایک بھیانک جنگ سے بچ گئی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔