شاہد آفریدی نئی ٹی 10 لیگ کے برانڈ ایمبیسیڈر مقرر

محمد یوسف انجم  اتوار 28 جولائ 2019
اس لیگ سے قطر میں کھیل کو فروغ دینے میں مدد ملے گی اور سیاحت بھی بڑھے گی، شاہد آفریدی

اس لیگ سے قطر میں کھیل کو فروغ دینے میں مدد ملے گی اور سیاحت بھی بڑھے گی، شاہد آفریدی

کرکٹ لیگز کی تعداد میں اب ایک اور لیگ کا اضافہ ہوگیا۔

شارجہ کے بعد اب قطر میں بھی 10، 10 اوورز کی کرکٹ لیگ ہو ا کرے گی، سابق کپتان شاہد آفریدی کو اس کا برانڈ ایمبیسیڈر مقرر کیا گیا ہے۔ سوشل میڈیا پر شاہد آفریدی نے اس لیگ کی  10 نمبر کی اپنی شرٹ شیئر کرتے ہوئے کہا کہ  مجھے یہ بتاکربہت خوشی ہورہی ہے کہ قطر پریمیئرلیگ کی انٹرنیشنل کرکٹ کونسل نے منظوری دے  دی ہے۔

شاہد آفریدی نے کہا کہ قطر میں مقابلوں سے نہ صرف یہاں کھیل کو فروغ دینے میں مدد ملے گی بلکہ قطر میں سیاحت بھی بڑھے گی۔ شاہد آفریدی نے کرکٹ لیگ کے آرگنائزر کو لیگ کی منظوری ملنے پر مبارک باد  دیتےہوئےنیک خواہشات کا اظہار کیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔