- سویلین کا ٹرائل؛ لارجر بینچ کیلیے معاملہ پھر پریکٹس اینڈ پروسیجر کمیٹی کو بھیج دیا گیا
- رائیونڈ؛ سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
- پنجاب؛ بےگھر لوگوں کی ہاؤسنگ اسکیم کیلیے سرکاری زمین کی نشاندہی کرلی گئی
- انٹرنیشنل ہاکی فیڈریشن نے پی ایچ ایف کے دونوں دھڑوں سے رابطہ کرلیا
- بلوچ لاپتہ افراد کیس؛ پتہ چلتا ہے وزیراعظم کے بیان کی کوئی حیثیت نہیں، اسلام آباد ہائیکورٹ
- چوتھا ٹی20؛ رضوان کی پلئینگ الیون میں شرکت مشکوک
- ایرانی صدر کا دورہ اور علاقائی تعاون کی اہمیت
- آئی ایم ایف قسط پیر تک مل جائیگی، جون تک زرمبادلہ ذخائر 10 ارب ڈالر ہوجائینگے، وزیر خزانہ
- حکومت رواں مالی سال کے قرض اہداف حاصل کرنے میں ناکام
- وزیراعظم شہباز شریف کی کراچی آمد، مزار قائد پر حاضری
- شیخ رشید کے بلو رانی والے الفاظ ایف آئی آر میں کہاں ہیں؟ اسلام آباد ہائیکورٹ
- بورڈ کا قابلِ ستائش اقدام؛ بےسہارا و یتیم بچوں کو میچ دیکھانے کی دعوت
- امریکا نے بھارت میں انسانی حقوق کی پامالیوں کو شرمناک قرار دیدیا
- پاکستان کی مکئی کی برآمدات میں غیر معمولی اضافہ
- ایلیٹ فورس کا ہیڈ کانسٹیبل گرفتار، پونے دو کلو چرس برآمد
- لیجنڈز کرکٹ لیگ فکسنگ اسکینڈل کی زد میں آگئی
- انجرڈ رضوان قومی ٹیم کے پریکٹس سیشن میں شامل نہ ہوسکے
- آئی پی ایل، چھوٹی باؤنڈریز نے ریکارڈز کا انبار لگا دیئے
- اسٹاک ایکسچینج؛ ملکی تاریخ میں پہلی بار 72 ہزار پوائنٹس کی سطح عبور
- شاداب کو ٹیم کے اسٹرائیک ریٹ کی فکر ستانے لگی
پنجاب میں پہلی بار جنگلی حیات پر دستاویزی فلم کی تیاری
لاہور: پنجاب میں پہلی بار وائلڈ لائف پر دستاویزی فلم بنائی جارہی ہے اور اس حوالے سے پہلی دستاویزی فلم پنجاب اڑیال پر بنائی گئی ہے جسے اگست میں ریلیزکیا جائے گا۔
پنجاب وائلڈ لائف سے متعلق دستاویزی فلم بنانے کا فیصلہ چند ماہ پہلے کیاگیا تھا۔ اعزازی گیم وارڈن پنجاب بدر منیر نے ڈاکومنٹری کے لئے نجی شعبے کی خدمات حاصل کی تھیں۔ انہوں نے بتایا ہے کہ پہلی بار پنجاب اڑیال سے متعلق تفصیلی ڈاکومنٹری مکمل کرلی گئی ہے اسے اگست میں ریلیز کیے جانے کا امکان ہے۔ نومبر میں انڈس بلائنڈ ڈولفن اور پھراس کے بعد گریٹ انڈین بسٹرڈ سے متعلق ڈاکومنٹری مکمل کی جائے گی۔
ذرائع کے مطابق دستاویزی فلم کی تیاری اور اس پر آنے والے تمام تراخراجات اعزازی گیم وارڈن نے خود برداشت کئے ہیں تاہم محکمے سے مختلف سائٹس پر پنجاب اڑیال ، انڈس بلائنڈ دولفن اور انڈین تلور کی ریکارڈنگ کے دوران معاونت لی گئی ہے تاہم تیار ہونے والی دستاویزی فلم محکمہ تحفظ جنگلی حیات پنجاب کی طرف سے ہی ریلیز کی جائے گی۔ اقوام متحدہ سمیت مختلف ممالک میں یہ دستاویزی فلم اردو اورانگریزی میں بھیجی جائے گی۔
اعزازی گیم وارڈن بدر منیرنے بتایا کہ اس اقدام کا مقصد پاکستان بالخصوص پنجاب میں جنگلی حیات کو اجاگر کرنا ہے اور دستاویزی فلم اس کا بہترین ذریعہ ہے، پنجاب اڑیال پر ڈاکومنٹری کے لئے ہمیں کافی محنت کرنا پڑی ہے اور اس وقت سالٹ رینج میں بڑی تعداد میں پنجاب اڑیال آپ کونظرآئیں گے۔ ہم نے پنجاب میں مزید 4 بڑے نیشنل پارک بنانے کا منصوبہ شروع کررکھا ہے ۔ اس کے لئے خود چند کینیڈا اوریورپ کے مختلف نیشنل پارکوں کا دورہ کیا اوران کی ایک رپورٹ تیار کی ہے۔ یہ رپورٹ وزیراعلی پنجاب کو دی جائے گی اور اس کی روشنی میں نیشنل پارک ڈویلپ کیے جائیں گے۔
پنجاب میں جو نئے 4 نیشنل پارک بنائے جانے کا منصوبہ ہے ان میں چکوال کے علاقے آڑہ بشارت میں 35 ہزار ایکڑ رقبے پر نیشنل پارک بنایا جائے گا، دوسرا نیشنل پارک مری کہوٹہ کے علاقے کوٹلی ستیاں میں 62 ہزار ایکڑ رقبہ پر بنایا جائے گا اس میں تمام علاقہ بلند و بالا پہاڑوں پرمشتمل ہے۔ تیسرا نیشنل پارک گجرات کے قریب پبی کے علاقے میں 26 ہزار ایکڑ پر بنایا جائے گا اور چوتھا نیشنل پارک اٹک کے علاقہ کھیری مورت میں بنایا جائے گا۔ کوٹلی ستیاں میں 4 جنگل ہیں یہاں نایاب نسل کے فیزنٹ اور سب سے چھوٹے سائز کے ہرن جنہیں بارکنگ ڈئیر بھی کہا جاتا ہے ان کی افزائش بھی اسی جنگل کے قدرتی ماحول میں کی جائے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔