- شمالی کوریا نے نیا بین البراعظمی بیلسٹک میزائل پیش کر دیا
- ڈالر کی قیمت میں بڑی کمی کے ساتھ کاروباری دِن کا آغاز
- شیخ رشید ضمانت کیس میں عمران خان کو شامل تفتیش کرنے کی استدعا
- پہلے اوور میں وکٹ لینے کا طریقہ! شاہین سے جانیے، قلندرز نے فوٹو شیئر کردی
- ڈیجیٹل معیشت کی بہتری، پاکستانی اقدامات کی عالمی سطح پر پذیرائی
- یورپی ممالک کیلیے پی آئی اے پروازیں بحال ہونے کے امکانات روشن
- ایل پی جی کی قیمت میں 15روپے فی کلو مزید اضافہ
- ایم ایل ون منصوبہ،ایشیائی ترقیاتی بینک نے تعاون کی پیشکش کردی
- لائیک، شیئر اور فالوورز برائے فروخت
- سندھ ہائیکورٹ، کم سے کم تنخواہ 25 ہزار کے احکامات پر عملدرآمد کرانے کا حکم
- کراچی میں سیکیورٹی کمپنی سے 180جدید ہتھیار اور وردیاں لوٹ لی گئیں
- شہریوں سے لاکھوں روپے بٹورنے والے جعلی پولیس اہلکار گرفتار
- شین وارن کی 20.7 ملین ڈالر کی وصیت سامنے آگئی
- گلیڈی ایٹرز کے غیر ملکی کرکٹرز کی آمد ہفتے کو ہوگی
- ’’میری پرفارمنس اچھی نہیں کیویز کیخلاف سرفراز کو کھلائیں‘‘، محمد رضوان
- 43 استعفوں کی منظوری معطل؛ پی ٹی آئی ارکان پارلیمنٹ ہاؤس پہنچ گئے
- وٹامن ڈی ذیابیطس سے پہلی کیفیت کو مکمل مرض سے روک سکتی ہے
- دنیا کے سب سے بڑے ’کیک لباس‘ کی ویڈیو وائرل
- زمین کی طرح دن اور رات رکھنے والا سیارہ دریافت
- کوٹری میں پشاور سے کراچی جانے والی علامہ اقبال ایکسپریس کو حادثہ
مقبوضہ کشمیر؛ 2 نوجوان شہید، شوپیاں میں کرفیو جاری، علی گیلانی گرفتار

حریت رہنماؤں کے گھروں پر چھاپے، کارکن گرفتار، اسلام آباد ،کولگام، پلوامہ اور جنوبی کشمیر کے دیگر علاقوں میں احتجاجی مظاہرے۔ فوٹو: اے ایف پی/فائل
سرینگر: مقبوضہ جموں و کشمیر کے علاقے بارہمولہ میں بھارتی فوجیوں نے 2 کشمیری نوجوانوں کو شہید کر دیا جبکہ بے گناہ شہریوں کے قتل کے خلاف احتجاجی مظاہروں کو روکنے کیلیے بارہویں روز بھی شوپیاں قصبے میں بارویں روز بھی کرفیو نافذ رہا۔
اقوام متحدہ کے فوجی مبصر دفتر کی طرف مارچ کی قیادت کرنے سے روکنے کیلیے بزرگ کشمیری حریت رہنما سید علی گیلانی کو حریت رہنمائوں اور کارکنوں سمیت گرفتار کرلیا گیا جس پر کئی علاقے میں مظاہرے ہوئے۔خبر رساں ایجنسی کے مطابق مقبوضہ کشمیر میں بھارتی فوجیوں نے ضلع بارہ مولہ کے علاقے پٹن میں گوشہ بگ کے مقام پر 2 کشمیری نوجوان شہید کر دیے۔ بھارتی پولیس نے دعویٰ کیا ہے کہ شہید ہونے والوں کا تعلق حزب المجاہدین سے تھا جن میں ایک کی شناخت عاقب رشید صوفی کے طو رپر ہوئی ہے۔ شوپیاں میں مظاہرے روکنے کیلیے بارویں روز بھی کرفیو نافذ رہا۔
مسلسل کرفیو کی وجہ سے مقامی لوگوں خاص طورپر خواتین اور بچوں کو شدید مشکلات کا سامنا ہے اور علاقے میں دودھ ، ادویہ اور اجناس کی شدید قلت ہے۔ بھارتی پولیس نے حیدر پورہ میں واقع رہائش گاہ میں نظر بند سید علی گیلانی کو اقوام متحدہ کے فوجی مبصر دفتر کی طرف مارچ کی قیادت کرنے کرنے سے روکنے کیلیے کارکنوں سمیت گرفتار کر لیا اور انھیں ہم ہامہ پولیس اسٹیشن میں نظر بند کردیا ہے۔
بھارتی پولیس نے گزشتہ شب حریت رہنمائوں پیر سیف اللہ، ایاز محمد اکبر، ڈاکٹر غلام محمد گنائی اور دیگر کے گھروں میں چھاپے مارے۔ بڑی تعداد میں آزادی پسند کارکنوں کو بھی گرفتار کر لیے۔ اسلام آباد، کولگام، پلوامہ اور جنوبی کشمیر کے دیگر علاقوں سے احتجاجی مظاہروں کی اطلاعات ملی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔