جوہی کریک میں کشتی الٹ گئی،5افراد ڈوب گئے،2جاں بحق

میر پور ساکرو: چوہی کریک میں کشتی الٹنے سے 5 افراد ڈوب گئے، 2 جاں بحق، 3 کو بچالیا گیا۔

تفصیلات کے مطابق گلشن حدید کراچی سے مچھلی کے شکار کی غرض سے آئے ہوئے افراد مقامی زمیندار عبدالمجید بگھیار کے ساتھ کشتی میں سوار ہوکر مچھلیاں پکڑ رہے تھے کہ اچانک تیز ہوا کی وجہ سے ان کی کشتی الٹ گئی ۔

جس کے نتیجے میں عبدالمجید بگھیار اور جاوید خاصخیلی ڈوب کر ہلاک ہوگئے جبکہ 3 افراد کو بچالیا گیا۔