- مردہ انسانوں سے کھاد بنانے والی فیکٹری قائم
- جاپان میں 50 ہزار کارڈ سے کرسمس ٹری بنادیا گیا
- اٹھارہ سوال لیے پھر رہا ہوں شہباز شریف جواب نہیں دیتے، شہزاد اکبر
- تیز رفتار بے قابو ٹریلر کے پولیس گاڑی پر گرنے کی ویڈیو وائرل
- پاکستان اور عالمی بینک کے درمیان 406 ملین ڈالر قرض کا معاہدہ طے پاگیا
- ٹانک میں فورسز پر دو حملے؛ فائرنگ سے 2 ایف سی اہلکار شہید
- وکلا کی جرات کیسے ہوئی اسپتال پر حملہ کرنے کی، لاہور ہائیکورٹ
- افغانستان میں مسافر بس بم دھماکے میں تباہ، بچوں سمیت 10 افراد ہلاک
- مسلم مخالف متنازع بل پر جاپانی وزیراعظم نے بھارتی دورہ ملتوی کردیا
- بچوں سے جنسی جرائم باعث شرم اور افسوس ناک ہیں، وزیراعظم
- عوام ایک ماہ انتظار کریں، آئین اور جمہوریت کے مطابق تبدیلی آئے گی، مولانا فضل الرحمان
- برطانوی انتخابات میں 15 پاکستانیوں سمیت 24 مسلم امیدواروں کی تاریخی فتح
- آرمی چیف سے زلمے خلیل زاد کی ملاقات، افغان مفاہمتی عمل پر گفتگو
- پنجاب بھر کے تعلیمی اداروں میں موسم سرما کی چھٹیوں کا اعلان
- اپوزیشن چیف الیکشن کمشنر کے حکومتی امیدوار کی حمایت پر مشروط آمادہ
- وفاقی وزیر ریلوے شیخ رشید کی آمد پر شہری نے انڈے پھینک دیے
- نوازشریف کی صحت سے متعلق رپورٹ لاہورہائیکورٹ میں جمع کرادی گئی
- روسی فوج کا ہیلی کاپٹر گر کر تباہ، دو پائلٹس ہلاک
- لنڈی کوتل میں حوالات سے دوافغان قیدی فرار
- عالمی اردو کانفرنس اور نوجوان نسل کا مشاعرہ
پاکستانی شائقین کے لیے بڑی عید پر 4 فلموں کا تحفہ

ماہرہ خان دو فلموں ’’سپراسٹار‘‘اور’’پرےہٹ لو‘‘میں اداکاری کرتی نظر آئیں گی فوٹوفائل
کراچی: رواں سال عید قرباں کے پُرمسرت موقع پر بڑے بجٹ اور خوبصورت کاسٹ پرمشتمل 4 فلموں کا میلہ سجے گا جن میں پاکستانی حسیناؤں ماہرہ خان، مایا علی اور حریم فاروق میں کڑا مقابلہ متوقع ہے۔
اس عید قرباں اداکارہ ماہرہ خان، حریم فاروق، مایا علی، شہریار منور، بلال اشرف، علی رحمان اورسمیع خان جیسی خوبصورت کاسٹ سے سجی 4 فلمیں’’پرے ہٹ لو‘‘،’’ہیر مان جا’’،’’سپر اسٹار‘‘ اور’’کاف کنگنا‘‘ ریلیز ہورہی ہیں۔ دلچسپ بات یہ ہے کہ جہاں ماہرہ خان کی فلم ’’سپر اسٹار‘‘ اس عید پر ریلیز ہورہی ہے وہیں وہ فلم ’’پرے ہٹ لو‘‘ میں بھی اداکاری کے جوہر دکھاتی نظر آئیں گی۔ لہٰذا قیاس آرائیاں کی جارہی ہیں کہ ماہرہ خان عید قربان پر ہونے والا میلہ دو فلموں کے ساتھ دیگر اداکاراؤں کے مقابلے میں لوٹ لیں گی، تاہم یہ تو فلموں کی ریلیز کے بعد ہی پتہ چلے گا کہ کون سی اداکارہ نے بازی مارلی۔
پرے ہٹ لو
ہدایت کار عاصم رضا کی فلم’’پرے ہٹ لو‘‘ میں اداکار شہریار منور اورمایا علی مرکزی کردار ادا کررہے ہیں، تاہم فلم میں ماہرہ خان بھی اہم کردار میں نظر آئیں گی۔ فلم کے ٹریلر میں موجود ماہرہ خان کی اداؤں اورخوبصورت رقص نے شائقین کو فلم کی ریلیز سے قبل ہی دیوانہ بنادیا ہے اور شائقین بے چینی سے فلم کا انتظار کررہے ہیں۔ فلم ’’پرے ہٹ لو‘‘ کی منظر نگاری، موسیقی، خوبصورت لوکیشن سے اندازہ لگانا مشکل نہیں کہ فلمسازوں نے بجٹ پر بالکل سمجھوتہ نہیں کیا۔ اس کے علاوہ فلم میں ڈراما، رومینس، ٹریجڈی، رقص اور خوبصورت موسیقی کا تڑکہ بھی لگایا گیا ہے جس کی بدولت ’’پرے ہٹ لو‘‘ ایک مکمل کمرشل مصالحہ فلم بن گئی ہے جو شائقین کو یقیناً سینما تک کھینچ لانے میں کامیاب ہوجائے گی۔
سپر اسٹار
عیدالاضحیٰ پر ریلیز ہونے والی دوسری بڑی فلم ماہرہ خان اور بلال اشرف کی ’’سپر اسٹار‘‘ ہے جس کی موسیقی، رقص اور فلم میں دونوں اداکاروں کی خوبصورت کیمسٹری پہلے ہی شائقین کے دل جیت چکی ہے۔ فلم کی کہانی ایک ایکسٹرا سے لے کر سپر اسٹار بننے تک کے گرد گھومتی ہے جسے ماہرہ خان نے نبھایا ہے۔ فلم میں ڈراما، رومینس، ٹریجڈی سمیت وہ تمام مصالحے موجود ہیں جسے دیکھنے کے لیے شائقین پیسے خرچ کرکے سینما کا رخ کرتے ہیں۔
ہیرمان جا
چھوٹی اسکرین پر لوگوں کی داد سمیٹنے والی اداکارہ حریم فاروق اورعلی رحمان کی خوبصورت جوڑی اس عید قرباں بڑی اسکرین پر اپنے جلوے بکھیرنے آرہی ہے۔ ہدایت کار اظفر جعفری کی رومینٹک کامیڈی فلم ’’ہیرمان جا‘‘ کے ٹریلر کی مقبولیت سے اندازہ لگانا مشکل نہیں یہ فلم ’’پرے ہٹ لو‘‘ اور ’’سپراسٹار‘‘ کو بڑی ٹکر دے گی۔ شائقین سمیت فلمی حلقوں کو بھی ’’ہیرمان جا‘‘ کا بے صبری سے انتظار ہے۔
کاف کنگنا
اس عید الاضحیٰ ایک اور فلم ’’کاف کنگنا‘‘ ریلیز ہورہی ہے۔ یہ فلم کم تشہیر کی وجہ سے لوگوں اور میڈیا کی توجہ اپنی جانب مبذول نہ کراسکی، تاہم فلم کا موضوع پاک بھارت کشیدگی کے ماحول میں جنم لینے والی محبت کے گرد گھومتا ہے جس میں اداکار سمیع خان نے پاکستان مسلمان لڑکے کا کردار ادا کیا ہے جسے بھارتی سکھ لڑکی کنگنا کی محبت میں گرفتار دکھایا گیا ہے۔ بھارتی لڑکی کا کردار اداکارہ ایشال فیاض نے نبھایا ہے۔ فلم میں اداکارہ عائشہ عمر، فضاعلی اور ساجد حسن بھی اہم کردار میں نظر آئیں گے۔ جب کہ اداکارہ نیلم منیر فلم میں آئٹم نمبر کرتی نظر آئیں گی۔ ہدایت کار خلیل الرحمان قمر کی فلم ’’کاف کنگنا‘‘ آئی ایس پی آر کے تعاون سے بنائی گئی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔