- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
سری لنکا کا پاکستان میں ٹیسٹ سیریز کیلیے سیکیورٹی انتظامات پر اظہار اطمینان
کراچی: سری لنکن کرکٹ بورڈ کے اعزازی سیکریٹری جنرل موہن ڈی سلوا نے پاکستان کے خلاف دو ٹیسٹ پر مشتمل سیریز کے لیے سیکیورٹی انتظامات پر اطمینان کا اظہار کیا ہے۔
سری لنکا کرکٹ بورڈ کے اعزازی سیکریٹری جنرل موہن ڈی سلوا نے پاکستان کے خلاف دو ٹیسٹ پر مشتمل سیریز کے سلسلے میں کراچی میں سیکوریٹی انتظامات کے حوالے سے بریفنگ پر اطمینان کا اظہار کرتے ہوئے کہا ہے کہ 2009 میں لاہور میں سری لنکا کرکٹ ٹیم پر دہشت گرد حملے کے سبب ہماری قوم کو بہت سے تحفظات تھے، ان ہی تحفظات کے سبب حفاظتی انتظامات کا جائزہ لینے پاکستان آئے ہیں، مقامی حکام نے اس حوالے سے تفصیلی بریفننگ دی ہے، ہماری پوری کوشش ہوگی کہ پاکستان کے ساتھ اپنی کمٹمنٹ پوری کریں۔
نیشنل اسٹیڈیم کراچی کے دورے کے موقع پر ان کے ہمراہ وفد کےارکان اور پی سی بی کے ڈائریکریکٹر انٹرنیشنل کرکٹ ذاکر خان بھی موجود تھے۔ موہن ڈی سلوا نے کہا کہ میں پاکستان کرکٹ بورڈ کا شکر گزار ہوں کہ ہمیں دورے کی دعوت دی، ہم اپنے سینیئر افسران کے ساتھ یہاں آئے ہیں، ہمیں جو بریفنگ دی گئی، اس پر اطمینان کا اظہار کرتے ہیں، جمعرات کو وفد کو لاہور میں حکام سیکوریٹی اقدامات پر بریفنگ دیں گے جب کہ وفد قذافی اسٹیڈیم کا بھی تفصیلی دورہ کرے گا، انہوں نے کہا کہ ہم واپس سری لنکا جا کر اپنی رپورٹ مرتب کریں گے اور پی سی بی کو آگاہ کریں گے، اکتوبر کی سیریز کے میچز پاکستان میں کرانے کا فیصلہ سیکیورٹی رپورٹ کی بنیاد پر ہوگا، وفد نے نیشنل اسٹیڈیم پہنچ کر گراونڈ کا دورہ کیا اور مختلف انکلوژرز کا جائزہ لیا۔
بعدازاں وفد کے ارکان کو ایس ایس یو کی جانب سے ٹیم کو ہوٹل سے اسٹیڈیم لانے واپس لے جانے کے لیے سیکوریٹی قافلہ کی تفصیل سے آگاہ کیا گیا، وفد نے مرکزی عمارت کا جائزہ بھی لیا اور جاری تزئین و آرائش کے کام پر آگاہی حاصل کی، موہن ڈی سلوا اپنے موبائل کیمرے سے ذاتی طور پر ویڈیو بھی بناتے رہے، کمیٹی روم میں دی جانے والی بریفنگ میں وفد کو سیکورٹی انتظامات سے آگاہ کیا گیا، قبل ازیں وفد نے سینٹرل پولیس آفس پہنچ کر کمانڈاینڈ کنٹرول سینٹر کا دورہ کیا ، اجلاس میں آئی جی سندھ ڈاکٹرسید کلیم امام نے سری لنکن کرکٹ بورڈ کو سیکیورٹی کے حوالے سے بریفنگ دی ، وفد میں چیف سیکوریٹی ایڈوائز ایئر مارشل روشن گوناتیلکے، انٹرنیشنل کرکٹ کے نگران چندی ماپاتونا اور اسٹنٹ منیجر اینٹی کرپشن و سکیوریٹی مودیا سیلا گے پالیتھا بھی شامل ہیں، سیریز کے میچز عالمی ٹیسٹ چیمپئین شپ کا حصہ ہیں،ٹیسٹ میچ اکتوبر میں کراچی اور لاہور میں کرانے کی تجویز ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔