ثقلین مشتاق بھی پاکستان انڈر19 ٹیم کے کوچ کی دوڑ میں شامل

اسپورٹس رپورٹر  ہفتہ 10 اگست 2019
ثقلین مشتاق کئی غیرملکی ٹیموں کی کوچنگ کا تجربہ رکھتے ہیں۔ فوٹو: فائل

ثقلین مشتاق کئی غیرملکی ٹیموں کی کوچنگ کا تجربہ رکھتے ہیں۔ فوٹو: فائل

 لاہور: ثقلین مشتاق بھی پاکستان انڈر19ٹیم کے کوچ کی دوڑ میں شامل ہوگئے۔

ذرائع کے مطابق پاکستان انڈر 19 ٹیم کے کوچ کی دوڑ میں شامل ثقلین مشتاق کا انٹرویو عید کے بعد ہوگا، یاد رہے کہ اس سے قبل اعجاز احمد،کبیر خان، اعظم خان اور عتیق الزمان کے نام بھی امیدواروں میں شامل ہیں۔

واضح رہے کہ ثقلین مشتاق کئی غیرملکی ٹیموں کی کوچنگ کا تجربہ رکھتے ہیں۔ ان دنوں بھی وہ بطور انگلش بولنگ مشیر فرائض نبھا رہے ہیں، پاکستان میں انھوں نے سعید اجمل کا بولنگ ایکشن درست کرنے کیلیے کام کیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔