’’پرے ہٹ لو‘‘ نے عید کا میلہ لوٹ لیا

ویب ڈیسک  پير 19 اگست 2019
عید پر ریلیز ہونے والی تین بڑی پاکستانی فلموں نے اب تک مجموعی طور پر 35 کروڑ 35 لاکھ روپے کا بزنس کیا ہے۔ (فوٹو: فائل)

عید پر ریلیز ہونے والی تین بڑی پاکستانی فلموں نے اب تک مجموعی طور پر 35 کروڑ 35 لاکھ روپے کا بزنس کیا ہے۔ (فوٹو: فائل)

کراچی: اس سال عیدالاضحیٰ پر ریلیز ہونے والی تین بڑی پاکستانی فلموں میں سے ’’پرے ہٹ لو‘‘ نے پہلے پانچ دنوں میں سب سے زیادہ بزنس کرکے میلہ لوٹ لیا۔

تفصیلات کے مطابق اس سال عیدالاضحیٰ پر پاکستانی فلم سازوں کی بنائی ہوئی تین بڑی فلموں میں سے ’پرے ہٹ لو‘ نے 15 کروڑ، ’سپر اسٹار‘ نے 14 کروڑ 63 لاکھ، جبکہ ’ہیر مان جا‘ نے صرف 5 کروڑ 72 لاکھ روپے کا بزنس کیا۔

پرے ہٹ لو نے پاکستان میں 10 کروڑ اور بیرونِ ملک 5 کروڑ روپے کمائے؛ سپر اسٹار نے پاکستان سے 9 کروڑ اور بیرونِ ملک سے 5 کروڑ 63 لاکھ روپے کا بزنس کیا؛ جبکہ 6 کروڑ روپے کی لاگت سے تیار ہونے والی ’ہیر مان جا‘ نے صرف اندرونِ ملک ہی 5 کروڑ 72 لاکھ کمائے اور بیرونِ ملک کوئی کامیابی حاصل نہیں کرسکی۔

یہ خبر بھی پڑھیں: ’’پنجاب نہیں جاؤں گی‘‘اور’’نامعلوم افراد 2‘‘نے پاکستانی سینما کی تاریخ بدل دی

واضح رہے کہ 2017 پاکستانی فلم انڈسٹری کےلیے بہترین سال تھا جب صرف دو فلموں یعنی ’پنجاب نہیں جاؤں گی‘ اور ’نامعلوم افراد2‘ نے مجموعی طور پر 50 کروڑ روپے سے بھی زیادہ کا بزنس کرتے ہوئے ایک نیا ریکارڈ قائم کیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔