مقبوضہ کشمیر میں مسلمانوں کی حالت زار پر سخت تشویش ہے، آیت اللہ خامنہ ای

تہران: ایران کے روحانی پیشوا آیت اللہ خامنہ ای نے بھارت کومتنبہ کیا ہے کہ خطے میں مسلمانوں کو دبانے کی کوششوں کو ترک کرے اور مسلمانوں سے متعلق شفاف پالیسی وضع کرے۔

ایران کے سرکاری ٹی وی کے مطابق سپریم لیڈر آیت اللہ خامنہ ای نے صدر حسن روحانی اور دیگر کابینہ ارکان کے ساتھ اہم ملاقات میں مقبوضہ کشمیر میں بھارتی اقدام سے پیدا ہونے والی کشیدہ صورت حال پر تشویش کا اظہار کرتے ہوئے بھارتی حکومت کو مقبوضہ کشمیر میں مظلوم اور نہتے عوام کیخلاف جارحانہ پالیسی بدلنے کا مطالبہ کیا۔

We’re concerned about Muslims’ situation in #Kashmir. We have good relations with India, but we expect the Indian government to adopt a just policy towards the noble people of Kashmir and prevent the oppression & bullying of Muslims in this region.

— Khamenei.ir (@khamenei_ir) August 21, 2019

ایران کے سپریم لیڈر نے مزید کہا کہ بھارت کے ساتھ بہتر تعلقات قائم ہیں تاہم ایران مقبوضہ کشمیر میں مسلمانوں کیلئے فکر مند ہے اور بھارت سے معصوم شہریوں کو ان کو آئین میں حاصل حقوق کی فراہمی کو یقینی بنانے کے لیے بات کریں گے۔ مسئلہ کشمیر دراصل برطانیہ کی جانب سے انخلاء کے وقت جان بوجھ کر چھوڑا گیا تاکہ خطے میں اتحاد و اتفاق پنپنے نہ پائے۔

یہ خبر بھی پڑھیں: مقبوضہ کشمیر میں کرفیو کا 17واں دن؛ سرچ آپریشن کی آڑ میں مزید ایک کشمیری شہید

واضح رہے کہ مودی سرکار نے 5 اگست کو مقبوضہ کشمیر کو آئین میں حاصل خصوصی حیثیت کو ختم کرکے مسلسل 17 دن سے کرفیو نافذ کر رکھا ہے جہاں انسانی حقوق کی سنگین خلاف ورزیاں کی جا رہی ہیں اور اب غذائی قلت کا خدشہ پیدا ہوگیا ہے۔