- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
پی سی بی کے اعلیٰ حکام کی ’’نو لفٹ‘‘ پر قائمہ کمیٹی خفا
اسلام آباد: پی سی بی کے اعلیٰ حکام کی ’’نولفٹ‘‘ پرقومی اسمبلی کی قائمہ کمیٹی برائے بین الصوبائی رابطہ امورخفا ہو گئی، اس نے نئے آئین پر اجلاس23 ستمبر کو طلب کرتے ہوئے چیئرمین احسان مانی اور ایم ڈی وسیم خان کی شرکت یقینی بنانے کی ہدایت کردی۔
قائمہ کمیٹی کا اجلاس گذشتہ روز آغا حسن بلوچ کی زیر صدارت اسلام آباد میں ہوا، پی سی بی کی جانب سے چیف آپریٹنگ آفیسر سبحان احمد پیش ہوئے، رکن اقبال محمد علی نے کہاکہ چیئرمین بورڈ احسان مانی اور ایم ڈی وسیم خان کیوں نہیں آئے؟ کمیٹی کا اجلاس ملتوی کیا جائے یا میں واک آؤٹ کرتا ہوں، دیکھنا ہوگا کہ پی سی بی کا نیا آئین آمرانہ ہے یا آئینی؟ کمیٹی نے فیصلہ کیا کہ اگر آئندہ اجلاس میں چیئرمین شریک نہیں ہوئے تو اجلاس نہیں ہوگا۔
اقبال محمد علی نے احتجاجاً واک آؤٹ کرتے ہوئے کہا کہ چیف آپریٹنگ آفیسر پی سی بی کو قربانی کا بکرا بنا دیا گیا۔ چیئرمین کمیٹی نے اقبال محمد علی کو منانے کیلیے دیگر ارکان کو بھجوایا جس پر وہ واپس آگئے، آغا حسن بلوچ نے ہدایت کی آئندہ اجلاس میں چیئرمین اور ایم ڈی پی سی بی کی شرکت یقینی بنائی جائے، سیکریٹری آئی پی سی اکبر درانی نے کہاکہ پی سی بی کے آئین 2019کی وفاقی کابینہ نے منظوری دی ہے۔
دریں اثنااقبال محمد علی نے پی ایچ ایف کے حوالے سے بات کرتے ہوئے کہاکہ شہباز سینئر نے استعفیٰ نہیں دیا تھا کہ نیا سیکریٹری مقرر کر دیا گیا، سیکریٹری پی ایچ ایف آصف باجوہ نے کہاکہ میرے خلاف نیب اور ایف آئی اے میں کوئی کیس نہیں ہے، ہر بار اجلاس میں بلا کر بے عزتی کی جاتی اور سنگین الزامات لگائے جاتے ہیں۔
اراکین کمیٹی نے کہاکہ سوال کرنا ہماری ذمہ داری اور جواب دینا آپ کا فرض ہے، آواز دھیمی رکھ کر بات کریں۔ چیئرمین کمیٹی نے آصف باجوہ کو اپنی بے گناہی کے شواہد کمیٹی کے آئندہ اجلاس میں پیش کرنے کی ہدایت کردی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔