- ضمنی انتخابات میں پاک فوج اور سول آرمڈ فورسز کو تعینات کرنے کی منظوری
- خیبرپختوا میں گھر کی چھت گرنے کے واقعات میں دو بچیوں سمیت 5 افراد زخمی
- درجہ بندی کرنے کیلئے یوٹیوبر نے تمام امریکی ایئرلائنز کا سفر کرڈالا
- امریکی طبی اداروں میں نسلی امتیازی سلوک عام ہوتا جارہا ہے، رپورٹ
- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا میں طوفانی بارشوں سے ہلاکتیں 59 ہوگئیں، 72 زخمی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
پی سی بی کا نیا آئین معطل ہونے سے ڈومیسٹک سیزن پر بھی سوالیہ نشان لگ گیا
لاہور: عدالت کے حکم پر پی سی بی کا نیا آئین معطل کیے جانے کے بعد نئے سسٹم کے تحت ہونے والا ڈومیسٹک کرکٹ سیزن بھی خطرے میں پڑ گیا ہے اور نئے اسٹرکچر میں 6 صوبائی ٹیموں کی تشکیل بھی کھٹائی میں پڑ گئی۔
لاہور ہائی کورٹ نے جمعہ کو پی سی بی کے نئے آئین سے متعلق وفاقی حکومت کے 19 اگست کے جاری کردہ نوٹی فکیشن سمیت 2015 سے 2019 تک مختلف اوقات میں جاری کئے گئے نوٹی فکیشنز پر عمل درآمد معطل کرتے ہوئے بورڈ کو نوٹس جاری کر دیئے تھے۔
جسٹس شاہد مبین نے کرکٹ بورڈ کے آئین میں ترامیم اور دیگر احکامات کیخلاف متفرق درخواستوں کی سماعت کی، ان میں نوٹی فکیشن نمبر 1-18/19 s r 2 کے علاوہ بھی کئی آرڈرز کو مختلف بنیادوں پر چیلنج کیا گیا تھا۔
درخواست گزار احمد نواز اور منیر احمد کے وکیل نعمان حیدری زیدی کا موقف تھا کہ پی سی بی نے کرکٹ کو 6 ایسوسی ایشنز تک محدود کر دیا ہے، گورننگ بورڈ کے اراکین کی حیثیت ختم کر دی گئی اور منتخب افراد کو دیوار سے لگادیا گیا، نئے آئین میں احتساب کے عمل کو مکمل طور پر نظر انداز کیا گیا۔ عدالت نے موقف سننے کے بعد نئے آئین سمیت مختلف نوٹیفکیشن معطل کرتے ہوئےمزید سماعت کیلیے 27 اگست کی تاریخ مقرر کردی۔
یاد رہے کہ نئے اسٹرکچر کے تحت 6 صوبائی ٹیموں پر مشتمل ڈومیسٹک کرکٹ سیزن کا آغاز ستمبر کے دوسرے ہفتے میں کرنے کے لیے تیاریاں کی جارہی تھیں، تمام ٹیموں کے لیے 32، 32 کرکٹرز کا انتخاب کرنے کی ذمہ داری مصباح الحق، راشد لطیف اور ندیم خان کو سونپی گئی تھی، 3رکنی پینل نے جمعرات کو مشاورت بھی کی، حتمی اسکواڈز کا اعلان ہونے سے قبل ہی لاہور ہائی کورٹ کا حکم سامنے آ گیا۔ معطل کیے جانے والے نئے آئین کا کوئی فیصلہ ہونے تک کوئی پیش رفت نہیں ہوسکے گی، 27 اگست کو کوئی فیصلہ سامنے نہیں آیا تو ڈومیسٹک مقابلوں کے بروقت انعقاد ہر سوالیہ نشان موجود رہے گا۔
موجودہ گورننگ بورڈ کی زندگی نئے فارمیٹ کے تحت باڈی تشکیل دیئے جانے تک تھی، عدالت نے فی الحال پرانے سیٹ اپ کو ہی برقرار رکھنے کا حکم دیا ہے، وسیم خان کا ایم ڈی کے بجائے بطور چیف ایگزیکٹو تقرر بھی معطل ہوگیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔