- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
ایموجی پڑوسیوں سے انتقام لینے کا ہتھیار بن گئے
لاس اینجلس: جنوبی کیلیفورنیا کے ساحلی علاقے ’’مین ہٹن بیچ‘‘ کی رہائشی خاتون کیتھرائن کڈ نے کچھ ماہ پہلے اپنا مکان صرف چار دنوں کےلیے کرائے پر دیا جس پر ان کے پڑوسیوں نے مقامی میونسپل کونسل میں شکایت کردی کیونکہ مین ہٹ بیچ کے علاقے میں صرف چند دن کےلیے مکان کرائے پر دینا غیر قانونی ہے۔ کیتھرائن کو اس قانون کے بارے میں معلوم نہیں تھا۔
مین ہٹن بیچ کی میونسپل کونسل نے اس شکایت کا نوٹس لیتے ہوئے کیتھرائن پر 4000 ڈالر جرمانہ کردیا، جو انہوں نے فی الفور ادا کرتے ہوئے اپنے پڑوسیوں سے معذرت کرلی اور کہا کہ آئندہ وہ اپنا مکان صرف طویل مدتی بنیادوں پر ہی کرائے پر دیں گی… لیکن بات یہیں پر ختم نہیں ہوئی۔
اب کیتھرائن کے پڑوسی ایک بار پھر ان کی شکایت لے کر میونسپل کونسل میں پہنچ گئے ہیں لیکن اب کی بار معاملہ تھوڑا مختلف ہے۔
اس مرتبہ انہیں شکایت ہے کہ کیتھرائن نے اپنے پڑوسیوں سے انتقام لینے کےلیے اپنے گھر کی دیواروں پر گلابی رنگ کروا کر دو بڑے بڑے ایموجیز بنوا دیئے ہیں جن میں سے ایک اظہارِ رائے پر پابندی کو ظاہر کرتا ہے جبکہ دوسرا ایموجی زبان چڑا رہا ہے۔
کیتھرائن کے پڑوسیوں کا کہنا ہے کہ وہ جب بھی اس گھر کی طرف دیکھتے ہیں تو یہ ایموجیز انہیں اپنا مذاق اُڑاتے محسوس ہوتے ہیں۔ ایک خاتون نے ان ایموجیز کو غیر شائستہ اور ’’اذیت ناک‘‘ بھی قرار دیا۔ اس کے جواب میں کیتھرائن کا اصرار ہے کہ گھر کی بیرونی دیواریں گلابی کروانے اور ان پر ایموجیز بنوانے کا مقصد یہاں آنے والے سیاحوں کو سمندر سے ہٹ کر ایک منفرد اور خوبصورت نظارہ فراہم کرنا ہے۔
مین ہٹن بیچ میونسپل کونسل نے یہ کہتے ہوئے اس شکایت کو رد کردیا ہے کہ کوئی بھی شہری اپنے خیالات کا اظہار کرنے کےلیے تخلیقی طریقہ اختیار کرنے میں مکمل آزاد ہے اور ان ایموجیز میں ایسا کچھ بھی نہیں جسے دل آزاری پر مبنی قرار دیا جاسکے۔
اگرچہ یہاں آنے والے سیاحوں کی اکثریت نے گلابی رنگ والی دیواروں اور ان پر بنے ایموجیز کو سراہتے ہوئے ان کی تصویروں کو سوشل میڈیا پر شیئر بھی کیا ہے لیکن مین ہٹن بیچ میونسپل کونسل کے رہائشیوں کا کہنا ہے کہ وہ اپنے مؤقف پر قائم ہیں اور ان ایموجیز کو یہاں سے ہٹوا کر ہی دم لیں گے۔ تاہم اب تک وہ اپنی ان کوششوں میں ناکام ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔