- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا پولیس کیلیے 7.6 ارب سے گاڑیاں و جدید آلات خریدنے کی منظوری
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- مشترکہ مفادات کونسل کی تشکیل نو، پہلی بار وزیر خزانہ کی جگہ وزیر خارجہ شامل
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
74 سالہ بھارتی خاتون کے ہاں جڑواں بیٹیوں کی ولادت
نئی دہلی: بھارتی ریاست آندھرا پردیش کی 74 سالہ خاتون منگیاما دیوی نے آئی وی ایف یعنی ٹیسٹ ٹیوب بے بی تکنیک کے ذریعے دو جڑواں بیٹیوں کو جنم دیا ہے اور اس طرح وہ سب سے بڑی عمر میں ماں بننے والی خاتون بھی بن گئی ہیں۔ اس سے پہلے 2016 میں بھارت ہی کی ایک اور خاتون دلجندر کور نے 72 سال کی عمر میں ٹیسٹ ٹیوب بے بی تکنیک کے ذریعے ایک بیٹے کو جنم دے کر عالمی ریکارڈ قائم کیا تھا۔
منگیاما دیوی کی شادی 1962 میں سیتارام راجاراؤ سے ہوئی لیکن یہ جوڑا بے اولاد رہا جس پر منگیاما اور ان کے شوہر کو ہر طرف سے طعنوں کا نشانہ بننا پڑا؛ یہاں تک کہ انہیں منحوس اور ’’شاپت‘‘ جیسے القابات سے بھی نوازا گیا۔ انہوں نے ہر طرح کا علاج کروایا لیکن کوئی افاقہ نہ ہوا۔ اس کے باوجود، منگیاما میں ماں بننے کی خواہش کم نہ ہوئی، یہاں تک کہ انہوں نے پچھلے سال اپنی ایک 55 سالہ پڑوسن کو آئی وی ایف کے ذریعے ماں بنتے دیکھا۔ اس پر انہوں نے بھی ماں بننے کی خواہش کی تکمیل کےلیے تولیدی کلینک (فرٹیلیٹی کلینک) سے رجوع کرنے کا فیصلہ کیا۔
ڈاکٹروں نے پہلے تو انہیں سمجھایا کہ ان کی عمر بہت زیادہ ہے اور اس عمر میں حاملہ ہونا ان کےلیے خطرے کا باعث بن سکتا ہے لیکن وہ اپنی ضد پر اڑی رہیں۔ آخرکار ڈاکٹروں نے بھی ہتھیار ڈال دیئے اور حمل ٹھہرانے سے قبل ان کا طبّی معائنہ شروع کردیا گیا۔ خوش قسمتی سے نہ تو انہیں ذیابیطس تھی اور نہ ہی وہ بلڈ پریشر کی مریضہ تھیں۔ حیرت انگیز طور پر انہیں آئی وی ایف تکنیک سے کی گئی پہلی ہی کوشش میں کامیابی سے حمل ٹھہر گیا۔
اس کے بعد ڈاکٹروں نے ہر مرحلے پر انہیں مشاہدے میں رکھا، یہاں تک کہ زچگی کا مرحلہ بھی خیریت سے مکمل ہوگیا اور کچھ روز پہلے ان کے یہاں دو صحت مند جڑواں بیٹیوں کی ولادت بھی بخیر و عافیت ہوگئی۔ ڈاکٹروں کا کہنا ہے کہ ماں اور بچیاں صحت مند ہیں اور انہیں کوئی پریشانی نہیں۔ البتہ صرف احتیاط اور مشاہدے کی غرض سے انہیں کچھ دن کلینک ہی میں ٹھہرنا پڑے گا۔
اگرچہ اس خبر پر بیشتر لوگوں نے منگیاما کے جذبے کی تعریف کی ہے لیکن بعض لوگوں کا کہنا ہے کہ اتنی عمر میں پیدا ہونے والے بچوں کا مستقبل تشویشناک ہوگا۔ کیا ان بچیوں کے جوان ہونے تک منگیاما اور ان کے شوہر زندہ رہ پائیں گے؟ یہ اور ایسی بہت سی باتیں کی جارہی ہیں۔
ان تمام اعتراضات کے باوجود، منگیاما اپنے ہاں بیٹیوں کی پیدائش پر بہت خوش ہیں، اور ان کا خیال رکھنے کےلیے پر عزم بھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔