آم چوری کے الزام میں بااثر افراد کا نوجوان کو درخت سے لٹکا کر بدترین تشدد

ویب ڈیسک  جمعرات 12 ستمبر 2019

تازہ ترین خبروں اور تجزیوں کیلئے سبسکرائب کریں

ملتان میں آم چوری کے الزام میں بااثر افراد نے نوجوان کو درخت سے لٹکا کر بدترین تشدد کا نشانہ بنا ڈالا۔

ایکسپریس نیوز کے مطابق آم چوری کے الزام میں باغ کےمالک مظہرنانڈلہ سمیت دوافراد نے نوجوان کو درخت سے لٹکا کر اس پر بہیمانہ تشدد کیا جس سے نوجوان کی حالت غیر ہوگئی۔تشدد کرنے کے بعد ملزمان موقع سے فرار ہوگئے۔

واقعے کی اطلاع ملنے پر پولیس کی جانب سے مظہر اور اس کے ساتھیوں کے خلاف قانونی کارروائی کا آغاز کر دیا گیا۔ تشدد کا نشانہ بننے والے نوجوان راؤ خرم کی شکایت پر پولیس نے ملزمان کے خلاف مقدمہ درج کرکے انہیں گرفتار کرلیا۔

content.jwplatform.com

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔