تنخواہ دار طبقے کے لیے ٹیکس میں مددگار موبائل ایپ تیار

 اسلام آباد: ایف بی آر نے تنخواہ دار طبقے کی رہنمائی اور آسانی کے لیے موبائل ایپ تیار کرلی۔

ایکسپریس نیوز کے مطابق ایف بی آر نے ملک میں تنخواہ دار طبقے کی رہنمائی کے لیے ایک ایپ تیار کی ہے جس کے تحت ایک عام تنخواہ دار آدمی بھی اپنے ٹیکس کی معلومات، ٹیکس کی ادائیگی اور دیگر تفصیلات اسمارٹ فون پر وصول کرسکے گا۔

Alhumdullilah,FBR will tomorrow launch a ‘Mobile App’ for filing return of income for salaried persons. Now return of income for such persons, including payment of tax, can be made using smart phones. This is a step towards complete digitalisation of processes in taxation system.

— Syed Shabbar Zaidi (@ShabarZaidi) September 12, 2019

سماجی رابطے کی ویب سائٹ ٹویٹر پر اپنی ٹویٹ میں چیئرمین ایف بی آر نے اللہ کا شکر ادا کرتے ہوئے کہا ہے کہ  تنخواہ دار افراد کے لیے ایک ” موبائل ایپ “ کا اجراء کیا جا رہا ہے، جس کے ذریعے تنخواہ دار طبقہ نہ صرف ٹیکس فائل کرسکے گا بلکہ اس سے متعلق دیگر معلومات بھی حاصل کرسکے گا، یہ ٹیکس نظام میں عملی طور پر مکمل ڈیجیٹلائزیشن کی سمت ایک قدم ہے۔