- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
پوری قوم نواز شریف کے ساتھ کھڑی ہے، رانا ثنا اللہ
لاہور: پاکستان مسلم لیگ(ن) کے رہنما رانا ثنااللہ کا کہنا ہے کہ پوری قوم نواز شریف کے ساتھ کھڑی ہے کسی قسم کی کوئی ڈیل نہیں ہوگی۔
پاکستان مسلم لیگ(ن)کے رہنما رانا ثنا اللہ نے عدالت میں پیشی سے قبل جوڈیشل کمپلیکس کے باہر میڈیا سے گفتگو کرتے ہوئے کہا نالائق اعظم کی حکومت اپنی ناکامی چھپانے کے لئے یہ سب کر رہی ہے، پوری قوم نواز شریف کے ساتھ کھڑی ہے، جیلوں میں ظلم برداشت کرنے کے بعد کیسی ڈیل ؟ نواز شریف حکومت سے کوئی ڈیل نہیں کریں گے، مجھے جیل کی فرش پر اتنی سکون کی نیند آتی ہے کہ عمران خان کو وزیراعظم ہاؤس میں نہیں آتی ہوگی۔ مسلم لیگ (ن) کے کارکن اور حمایتی مارچ میں نکلیں اور اس حکومت کا خاتمہ کریں یہ حکومت ملک کے لیے ندامت کا باعث ہے۔
منشیات کیس میں گرفتار سابق وزیر قانون رانا ثناءاللہ کو آج اے این ایف کی خصوصی عدالت میں پیش کیا گیاتھا، اس موقع پر جوڈیشل کمپلیکس کی سیکیورٹی سخت کردی گئی تھی۔ رانا ثنا اللہ کی اہلیہ، داماد رانا شہریار،سابق اسپیکر پنجاب اسمبلی رانا اقبال اور رانا ثنااللہ کے وکلا اور اے این ایف کے وکلا بھی کمرہ عدالت میں موجود تھے۔
اس خبرکوبھی پڑھیں: کفرکی حکومت چل سکتی ہے لیکن ظلم کی نہیں
رانا ثناء اللہ کے خلاف کیس کی سماعت ڈیوٹی جج خالد بشیر نے کی۔ دوران سماعت رانا ثنا اللہ نے روسٹرم پر کھڑے ہوکر اپنا موقف پیش کرتے ہوئے کہا وفاقی وزیر نے میری ویڈیو کے بارے میں بیان دیا وہ پیش کیا جائے، عوام کو گمراہ کیا جا رہا ہے، تفتیشی افسر سے میری گفتگو بھی عدالت میں پیش کی جائے، سڑک سے گرفتار کرکے حوالات میں بند کر دیا گیا اور عدالت میں معلوم ہوا ہیروین برآمد کی گئی۔
رانا ثنااللہ کی درخواست ضمانت میں پیش ہونے والے پراسیکیوٹر صلاح الدین مینگل طبیعت کی خرابی کی وحہ سے پیش نہیں ہوئے، جس پر عدالت نے استفسار کرتے ہوئے کہا بتایا جائے کہ کون سا پراسیکیوٹر رانا ثنااللہ کی ضمانت میں سرکار کی جانب سے پیش ہو گا، بعد ازاں عدالت نے رانا ثنااللہ کے خلاف کیس کی سماعت 28 ستمبر تک ملتوی کر دی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔