کشمیر میں کرفیو، بھارتی بربریت اور آرٹیکل 370 کا خاتمہ نہ کرنے پر بھارتی سپریم کورٹ میں نریندر مودی کیخلاف توہین عدالت کی درخواست ارسال کردی گئی۔

پاکستانی وکلا کی جانب سے مودی سرکار کے خلاف بھارتی سپریم کورٹ سے رجوع کر لیا گیا، درخواست میں کہا گیا ہے کہ سپریم کورٹ کے احکامات کے باوجود بھارتی حکومت نے کرفیو کا خاتمہ نہیں کیا، مودی سرکار بھارتی سپریم کورٹ کے احکام بھی نہیں مان رہی، بھارتی سپریم کورٹ آرٹیکل 32 کے تحت معاملے کا ازخود نوٹس لے، مودی سرکار نے آئین کے مستقل آرٹیکل 370 کا غیر قانونی طور پر خاتمہ کیا۔