- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
وزیر اعظم ٹرمپ کو کشمیر کی اصل صورتحال بتانے کیلیے امریکا آئے ہیں، شاہ محمود قریشی
نیویارک: وزیر خارجہ شاہ محمود قریشی کا کہنا ہے کہ وزیر اعظم عمران خان امریکی صدر کو مقبوضہ کشمیر کی اصل صورتحال سے آگاہ کرنے امریکا آئے ہیں۔
نیویارک میں میڈیا سینٹر کا افتتاح کرتے ہوئے وزیر خارجہ کا کہنا تھا کہ ایمنسٹی انٹرنیشنل کے سیکرٹری جنرل نے وزیراعظم سے ملاقات کی اور بتایا کہ انہیں مقبوضہ کشمیر میں رسائی نہیں دی جا رہی، ان کے اکاؤنٹس فریز کر دیے گئے ہیں جواب میں وزیراعظم نے ایمنسٹی انٹرنیشنل کے کام کو سراہا۔
شاہ محمود قریشی نے بتایا کہ اگلی ملاقات افغانستان کے لیے امریکا کے خصوصی نمائندے زلمے خلیل زاد سے ہوئی جس میں زلمے خلیل زاد نے طالبان سے مذاکرات کے بارے میں بتایا، اسی طرح سینیٹر لنزے گراہم سے بھی وزیراعظم کی ملاقات ہوئی، سینیٹر لنزے گراہم نے مقبوضہ کشمیر کی صورتحال پر صدر ٹرمپ کو خط لکھا ہے ہم ان کا شکریہ ادا کرتے ہوئے درخواست کرتے ہیں کہ وہ اپنی آواز بلند کرتے رہیں۔
انہوں نے کہا کہ ریڈ کراس کو بھی مقبوضہ کشمیر میں کام نہیں کرنے دیا جا رہا، ریڈ کراس سے آج نشست ہونی ہے جس میں اس سے پوچھیں گے کیا رکاوٹیں کھڑی کی جا رہی ہیں۔
وزیر خارجہ نے کہا کہ آج 11 رکنی کشمیری وفد سے بھی نشست ہوگی، کشمیری رہنماؤں سے مقبوضہ کشمیر کی صورتحال معلوم کریں گے، یہ بھی پوچھیں گے وہ ہم سے کیا توقعات رکھتے ہیں۔
شاہ محمود قریشی نے کہا کہ وزیراعظم جنرل اسمبلی میں کشمیریوں کا مقدمہ پیش کریں گے وہ یہاں آئے ہی اس لیے ہیں کہ ٹرمپ کو کشمیر کی اصل صورتحال بتائیں، یہ دنوں یا ہفتوں کی لڑائی نہیں، انسانی اور مذہبی آزادی کے لیے کام کرنے والوں کو مل کر جدوجہد کرنا ہوگی، بہت سارے ہندوستانی سمجھتے ہیں 5 اگست کا اقدام آئین کی خلاف ورزی ہے، دنیا دیکھے کہ کشمیر کے حقوق پر ہیوسٹن میں ایک جلسہ منعقد ہوا جس میں ہزاروں کشمیری، انسانی حقوق کے کارکن اور سکھوں نے احتجاج کیا۔
افغان مسئلے پر انہوں نے کہا کہ افغانستان کا کوئی فوجی حل نہیں یہ مسئلہ سیاسی طریقے سے حل ہوگا اگر مذاکرات دوبارہ شروع نہ ہوئے تو امن میں خلل پڑ سکتا ہے افغانستان کا مسئلہ حل کرنے کے لیے افغانوں کو بیٹھنا ہوگا، ہمارا کردار ایک سہولت کار کا تھا جس پر زلمے خلیل زاد نے بھی ہمارے تعمیری کردار کو سراہا۔
نیویارک میں وزارت خارجہ کی طرف سے قائم کردہ میڈیا سینٹر کے افتتاح کے حوالے سے انہوں نے کہا کہ قیام کا مقصد نیویارک میں اقوام متحدہ جنرل اسمبلی کے 74ویں اجلاس کی کوریج کے لیے تشریف لائے ہوئے صحافیوں کو سہولت فراہم کرنا اور معلومات کی بروقت ترسیل کو یقینی بنانا ہے۔ اس موقع پر وزارت خارجہ کے ترجمان ڈاکٹر فیصل بھی وزیر خارجہ کے ہمراہ تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔