- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو برانڈ ایمبیسڈر مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
طورخم سرحد پر ٹرمینل کی تعمیراتی سرگرمیاں تیز کرنے کا مطالبہ
کراچی: افغانستان کے ساتھ تجارت کرنیوالے تاجروں اور کسٹمز ایجنٹس نے طورخم سرحد پرجدید ٹرمینل منصوبے کے قیام کے منصوبے کوباہمی تجارت کے حجم اضافے کا ذریعہ قراردیتے ہوئے ٹرمینل کی تعمیراتی سرگرمیوں کوتیزکرنے کامطالبہ کردیاہے۔
افغانستان کیساتھ تجارت کرنے والے بیوپاریوں کا کہناہے کہ مزکورہ منصوبہ سال2015 میں شروع کیاگیاتھالیکن کچھ ہی عرصے بعد منصوبے کی تعمیراتی سرگرمیاں سست روی کا شکار ہوئیں اور انہی عوامل کے سبب ٹرمینل کامنصوبہ التوا کا شکارہے۔
اس ضمن میں سرحد چیمبرآف کامرس کے نائب صدر ضیاالحق سرحدی نے ایکسپریس کو بتایا کہ این ایل سی حکام نے جون 2022 تک منصوبے کی تکمیل کا عندیہ دیا ہے۔اْنھوں نے بتایاکہ اس میں کوئی شک نہیں کہ طورخم سرحد پر جب یہ جدید ٹرمینل بنے گا تو اس سے تجارتی انقلاب برپا ہوگا۔اْنھوں نے بتایاکہ اس وقت جدید سہولتوں سے آراستہ مجوزہ ٹرمینل کے دوسرے مرحلے کیلیے این ایل سی ایشیائی ترقیاتی بینک نے بھی مختص فنڈز فراہم کیے ہوئے ہیں جبکہ 432کنال اراضی لیز پر حاصل کی گئی ہے۔
انھوں نے بتایا کہ باقی ماندہ 300کنال اراضی بھی99سالہ لیز کے لیے خوگہ خیل شنواری مشران اور حکومت کے درمیان مجوزہ معاہدہ تقریباًطے پاگیا ہے۔ انھوں نے بتایاکہ مجوزہ منصوبے میں کسٹمز اسٹیشن بیگج اسکینر واک تھرو گیٹ ڈسپلے سینٹر ویئر ہاؤس گاڑیوں کے وزن کیلئے کانٹے کی تنصیب بینک کسٹم کلیئرنگ فارورڈنگ ایجنٹس کے لیے دفاتراورافغانستان سے امپورٹ ایکسپورٹ اور افغان ٹرانزٹ ٹریڈ میں آنیوالے کنسائمنٹس کی کلیئرنس کی سہولتیں میسر ہوں گی جس سے افغانستان اور وسطی ایشیائی ریاستوں کے ذریعے یورپی ممالک تک پاکستانی مصنوعات کی رسائی ممکن ہوسکے گی۔ انہوں نے طورخم بارڈر پر جدید سہولیات سے آراستہ ٹرمینل کے قیام کو خوش آئند قرار دیتے ہوئے کہا ہے کہ جدید ٹرمینل سے ایکسپورٹرز اور امپورٹرز کو سہولیات میسر آئیں گی جبکہ پاکستان اور افغانستان سمیت وسطی ایشیائی ریاستوں کے ساتھ باہمی تجارت کو فروغ ہوگااور پاکستان کی جانب سے طورخم بارڈر کو 24گھنٹے کھلا رکھنے کے ثمرات ملنے بھی شروع ہو جائیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔