بریگیڈیئر ریٹائرڈ سکندر ملک کے بیٹے کا والدین اور اہلخانہ کو قتل کرنے کا اعتراف

ویب ڈیسک  پير 7 اکتوبر 2013
ملزم حیدر نے پولیس کو بیان دیا کہ وہ پسند کی شادی کرنا چاہتا تھا لیکن اس کے والدین اس شادی کے خلاف تھے۔  فوٹو: فائل

ملزم حیدر نے پولیس کو بیان دیا کہ وہ پسند کی شادی کرنا چاہتا تھا لیکن اس کے والدین اس شادی کے خلاف تھے۔ فوٹو: فائل

راولپنڈی: بریگیڈیئر ریٹائرڈ سکندر ملک کے بیٹے کیپٹن حیدر نے والدین اور 2 بہنوں کو قتل کرنے کا اعتراف کر لیا۔

ملزم حیدر نے پولیس کو بیان دیا کہ وہ پسند کی شادی کرنا چاہتا تھا لیکن اس کے والدین اس شادی کے خلاف تھے، واردات والے دن اس نے والدین کو شادی کے لئے منانا چاہا لیکن اس کے والد راضی نہ ہوئے اور دونوں کے درمیان بحث ہو گئی جس کے بعد اس نے والدین اور دونوں بہنوں کو نشے کی گولیاں کھلائیں اور انہیں فائرنگ کر کے قتل کر دیا۔

واضح رہے کہ ایک ہفتہ قبل بریگیڈیئر ریٹائرڈ سکندر ملک اپنی اہلیہ اور 2 بیٹیوں سمیت راولپنڈی کے علاقے گلستان کالونی میں اپنی رہائشگاہ میں مردہ پائے گئے تھے، ملزم نے تمام گھر والوں کو سر میں 3، 3 گولیاں ماری تھیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔