- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
- پی آئی اے تنظیم نو میں سنگ میل حاصل، ایس ای سی پی میں انتظامات کی اسکیم منظور
- کراچی پورٹ کے بلک ٹرمینل اور 10برتھوں کی لیز سے آمدن کا آغاز
ایک ڈالر کے نوٹ نے عاشق اور محبوبہ میں شادی کروادی
نیویارک: کیا ایک ڈالر کا نوٹ دو دلوں کو آپس میں ملا سکتا ہے؟ جیسن نامی ایک سوشل میڈیا صارف کی آپ بیتی پڑھ کر اس سوال کا جواب ’’ہاں‘‘ میں ملتا ہے جو لڑکپن ہی سے ایک لڑکی کو دل و جان سے چاہتے تھے؛ اور ایک ڈالر کے نوٹ کا بار بار تبادلہ ان دونوں میں شادی کی وجہ بن گیا۔
سوشل میڈیا سائٹ ’ریڈاِٹ‘ (Reddit) پر Jfreak7 کے نام سے موجود جیسن ڈبلیو نے اپنا واقعہ بیان کیا ہے۔ وہ لکھتے ہیں:
’’جب میں جونیئر ہائی اسکول (نویں جماعت) میں تھا تو ایک لڑکی کو بہت پسند کرتا تھا اور دبے لفظوں میں اپنی محبت کا اظہار کرتا رہتا تھا۔ ایک دن اسکول کی جانب سے کسی دور دراز میلے میں جاتے ہوئے ہم کچھ دیر کے لیے ایک گیس اسٹیشن (پیٹرول پمپ) پر رکے، جہاں سے اس نے مجھے چیونگم کا ایک پیکٹ خرید کر دیا۔ میں نے اسے ایک ڈالر دیا لیکن اس نے وہ ڈالر لینے سے منع کردیا۔‘‘
’’تو میں نے وہ نوٹ چپکے سے اس کی جیب میں کھسکا دیا۔ پھر اس نے خاموشی سے وہی نوٹ میرے بیگ کی جیب میں دوبارہ رکھ دیا؛ اور اس طرح ایک ڈالر کا نوٹ اِدھر سے اُدھر ہوتا رہا۔ ہم یہ نوٹ ایک دوسرے کو لوٹانے کےلیے مضحکہ خیز حرکتیں کرتے۔ ایک بار میں نے وہ نوٹ اسے ڈاک کے ذریعے اس کے گھر بھیج دیا۔ جواباً اس نے چیونگم کی پیکنگ میں چھپا کر وہ نوٹ مجھے واپس کردیا۔‘‘
’’پھر میں نے فیصلہ کیا کہ ایک ڈالر کے اسی نوٹ پر اسے اپنے ساتھ گھومنے کےلیے چلنے کا کہوں۔ میں نے نوٹ پر لکھا: ’کیا تم میرے ساتھ گھومنے چلو گی؟‘ اس نے جواب میں ’ہاں‘ لکھا (بصورتِ دیگر یہ کہانی بہت رنجیدہ ہوجاتی)۔‘‘
’’اس کے چار سال بعد بھی میں نے ایک ڈالر کا وہی نوٹ اپنے پاس سنبھال کر رکھا ہوا تھا۔ جس دن ہمارے آغازِ محبت کی سالگرہ تھی، میں نے اس نوٹ کے نچلے حصے میں ’’کیا تم مجھ سے شادی کرو گی؟‘‘ لکھا اور اسے دے دیا۔ آج ہماری شادی کو 15 سال ہوچکے ہیں اور ہمارے تین پیارے پیارے بچے ہیں۔ ایک ڈالر کا یہ نوٹ آج بھی ہمارے پاس محفوظ ہے۔‘‘
بورڈ پانڈا نامی ویب سائٹ کو دیئے گئے ایک انٹرویو میں اپنی داستانِ عشق بیان کرتے ہوئے جیسن نے کہا کہ اگر سچا پیار ہو تو دو دلوں کو ملانے کے لیے ایک ڈالر کا نوٹ بھی کافی رہتا ہے۔
یہ کہانی پڑھنے کے بعد سوشل میڈیا صارفین بھی جذباتی ہوگئے۔ کچھ کا کہنا تھا کہ اس قصے کو سامنے رکھتے ہوئے کوئی رومانوی فلم بنائی جاسکتی ہے۔ ایک صاحب جو محبت کی داستانوں سے چڑتے ہیں، انہیں بھی یہ قصہ بہت پسند آیا۔
ایک صارف نے دلچسپ تبصرہ کرتے ہوئے لکھا: ’’مجھے تو ٹیکسٹ میسج تک کا جواب نہیں ملتا، آپ خوش نصیب ہیں کہ آپ کو ڈالر کا پورا نوٹ بار بار واپس ملا!‘‘
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔