افغان فوج کی کارروائی میں القاعدہ کا اہم رہنما 6 ساتھیوں سمیت ہلاک

کابل: افغانستان میں سیکیورٹی  فورسز کے آپریشن میں القاعدہ ایشیا کا کمانڈر عاصم عمر اپنے 6 ساتھیوں سمیت مارا گیا۔

بین الاقوامی خبر رساں ادارے کے مطابق افغانستان کے صوبے ہلمند کے علاقے موسیٰ قلعہ میں خفیہ ایجنسی این ڈی ایس کی جانب سے فراہم کی گئی انٹیلی جنس معلومات کی بنیاد پر آپریشن کیا گیا جس کے دوران 7 القاعدہ جنگجو مارے گئے۔

یہ خبر پڑھیں: افغانستان میں فوجی بس کے نزدیک خودکش حملہ، 10 افراد ہلاک

ادھر این ڈی ایس کی جانب سے جاری بیان میں کہا گیا ہے کہ ہلاک ہونے والے کمانڈرز میں اہم رہنما عاصم عمر بھی شامل ہے جب کہ ہلاک ہونے والے ایک جنگجو کی شناخت ریحان کے نام سے ہوئی ہے جو ایمن الزواہری کا رابطہ کار تھا۔

یہ خبر بھی پڑھیں: افغانستان میں یونیورسٹی کے کلاس روم میں زوردار دھماکا

دوسری جانب آزاد ذرائع کا کہنا ہے کہ ہلمند میں 24 گھنٹے سے زائد جاری رہنے والے آپریشن کے فضائی کارروائی میں امریکی طیاروں نے حصہ لیا۔ بمباری کی وجہ سے 40 شہری بھی ہلاک ہوئے جن میں خواتین اور بچے بھی شامل ہیں۔

1/2: BREAKING: #NDS can now confirm the death of Asim Omar, leader of #Al_Qaeda in the #Indian Subcontinent (AQIS), in a joint US-Afghan raid on a Taliban compound in Musa Qala district of Helmand province on Sep. 23. pic.twitter.com/sFKi38M6MC

— NDS Afghanistan (@NDSAfghanistan) October 8, 2019