پیپلز پارٹی کا حکومت مخالف ملک گیر جلسے جلوسوں کا اعلان

ویب ڈیسک  جمعرات 10 اکتوبر 2019
بلاول بھٹو زرداری 23 اکتوبر کو تھرپارکر میں جلسے سے خطاب کریں گے فوٹو: فائل

بلاول بھٹو زرداری 23 اکتوبر کو تھرپارکر میں جلسے سے خطاب کریں گے فوٹو: فائل

 کراچی: پاکستان پیپلزپارٹی نے ملک بھر میں حکومت مخالف جلسے جلوسوں کا اعلان کردیا۔

ایکسپریس نیوز کے مطابق پاکستان پیپلزپارٹی نے حکومت کی عوام دشمن پالیسیوں کے خلاف کراچی سے کشمیر تک احتجاجی پروگرام کا اعلان کردیا ہے جس کے تحت بلاول بھٹو زرداری 18 اکتوبر کو کراچی جب کہ 23 اکتوبر کو تھرپارکر میں جلسے سے خطاب کریں گے۔

احتجاجی پروگرام کے تحت بلاول بھٹو زرداری 26 اکتوبر کو سندھ پنجاب کے بارڈر کشمور کے مقام پر احتجاجی جلسہ کریں گے، سندھ کے بعد بلاول بھٹو زرداری کی احتجاجی تحریک کا اگلا قدم جنوبی پنجاب ہوگا، جنوبی پنجاب کے مختلف اضلاع میں جلسے اور ریلیوں سے خطاب کرتے ہوئے بلاول بھٹو زرداری وسطی پنجاب میں داخل ہوں گے، وسطی پنجاب کے بعد پاکستان پیپلزپارٹی کے چیئرمین بلاول بھٹو زرداری خیبرپختونخوا جائیں گے اور 30 نومبر کو آزاد کشمیر کے شہر مظفرآباد میں پارٹی کا یوم تاسیس منائیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔