سعودی ایران کشیدگی؛ وزیر اعظم ثالثی کیلیے ایران کا دورہ کریں گے

ویب ڈیسک  جمعـء 11 اکتوبر 2019
وزیراعظم ایرانی صدر سے ملاقات کے فوری بعد سعودی عرب جائیں گے جہاں سعودی قیادت سے ملاقات کریں گے ۔ فوٹو : فائل

وزیراعظم ایرانی صدر سے ملاقات کے فوری بعد سعودی عرب جائیں گے جہاں سعودی قیادت سے ملاقات کریں گے ۔ فوٹو : فائل

 اسلام آباد: وزیراعظم عمران خان سعودی ایران کشیدگی کم کرنے کے لیے بطور ثالث اتوار کو ایران کا دورہ کریں گے۔

ایکسپریس نیوز کے مطابق وزیراعظم عمران خان سعودی عرب اور ایران کے درمیان ثالثی کی کوششیں کررہے ہیں جس کے لیے وہ اتوار کو ایران کا دورہ کریں گے جہاں ان کی ایرانی صدرحسن روحانی سےملاقات ہوگی۔

سفارتی ذرائع کے مطابق وزیراعظم ایرانی صدر حسن روحانی سے ملاقات کے فوری بعد سعودی عرب جائیں گے جہاں ان کی سعودی قیادت سے ایرانی صدر سے ملاقات پر بات چیت ہوگی۔

واضح رہے کہ پاکستان سعودی عرب اور ایران کے مابین کشید گی میں کمی لانے کے لیے ثالثی کا کردار ادا کررہا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔