- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
معاشیات کا نوبل انعام 3 امریکی اکنامسٹ کے نام
معاشیات کا نوبل انعام غربت کے خاتمے اور بدحال معیشت کو ترقی کی راہ پر لانے کے لیے اُٹھائے گئے اقدامات کے اعتراف میں تین امریکی ماہرین کو دے دیا گیا، انعام کی رقم 9 لاکھ 15 ہزار ڈالر ہے جو تینوں میں یکساں طور پر تقسیم کی جائے گی۔
بین الاقوامی خبر رساں ادارے کے مطابق نوبل انعام برائے معاشیات سے امریکی ماہرین مائیکل کریمر، خاتون ایستھر ڈوفلو اور ابھیجت بینر جی کو نوازا گیا ہے۔ رائل سویڈش اکیڈیمی کی جانب سے خوش نصیب ماہر اقتصادیات کا اعلان کرتے ہوئے کہا گیا کہ ان تینوں نے غربت کے خاتمے کے لیے ایک ایسا تحقیقی کام کیا جس سے غربت کے شکار ممالک میں بدحالی کے خاتمے اور لوگوں کے معیارِ زندگی کو بہتر کرنے میں مدد ملی۔
مائیکل کریمر
نوبل انعام برائے معاشیات حاصل کرنے والے امریکی ماہر معاشیات مائیکل کریمر 1964ء کو پیدا ہوئے اور اس وقت ہارورڈ یونیورسٹی میں ترقی یافتہ معاشروں کے لیے مہمان پروفیسر کے بطور خدمات انجام دے رہے ہیں۔ وہ اقتصادیات کی دنیا کا ایک معتبر ترین نام ہیں۔ ان کی پیش کی گئیں تھیوریز کریمو او رنگ نے معاشی الجھنوں کو سلجھانے میں کلیدی کردار ادا کیا۔
ابھیجیت بینرجی
نوبل انعام حاصل کرنے والے ماہر معیشت ابھیجت بینر جی نے امریکا کی ہارورڈ یونیورسٹی سے پی ایچ ڈی کی ڈگری حاصل کی اور امریکی اکانومسٹ میسا چوسٹس انسٹی ٹیوٹ برائے ٹیکنالوجی (MIT) میں معاشیات کے پروفیسر ہیں۔ ابھیجت بینر جی نے دنیا سے غربت کے خاتمے کے لیے ’عبدالطیف جمیل پوورٹی لیب‘ قائم کی تھی۔
ایستھر ڈوفلو
معاشیات کے نوبل انعام کی شریک حق دار 46 سالہ ایستھر ڈوفلو فرانسیسی دارالحکومت پیرس میں سن 1972ء کو پیدا ہوئیں تھیں اور میساچوسٹس انسٹی ٹیوٹ برائے ٹیکنالوجی میں اسسٹنٹ پروفیسر ہیں۔ وہ ابھیجت بینرجی کے ساتھ عالمی تحقیقی مرکز عبدالطیف جمیل پوورٹی لیب کی شریک بانی بھی ہیں۔
یاد رہے کہ اکنامکس سائنسز کا نوبل انعام الفریڈ نوبل کی یاد میں سویڈن کے مرکزی بینک (Sveriges Riksbank) نے اپنے قیام کی 300 ویں سالگرہ کے موقع پر 1968ء میں شروع کیا تھا۔ سویڈن کے مرکزی بینک کو دنیا کا قدیم ترین بینک سمجھا جاتا ہے۔
واضح رہے کہ اکنامکس کے پرائز کے اعلان کے ساتھ ہی 7 اکتوبر کو میڈیسن کے شعبے سے شروع ہونے والے نوبل انعام کا سلسلہ ختم ہوگیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔