- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
فواد چوہدری کے نوکریوں سے متعلق بیان پر وزیراعظم کا ردعمل بھی سامنے آگیا
اسلام آباد: وزیراعظم کی زیر صدارت پی ٹی آئی کی کور کمیٹی کے اجلاس میں وفاقی وزیر سائنس و ٹیکنالوجی فواد چوہدری کے نوکریوں سے متعلق بیان کا معاملہ بھی زیر بحث آیا۔
ایکسپریس نیوز کے مطابق پی ٹی آئی کی کورکمیٹی کے اجلاس کی اندرونی کہانی سامنے آگئی، اجلاس میں جہاں وزیراعظم کے مصالحتی مشن، آزادی مارچ، حکومتی کارکردگی اور دیگر اہم سیاسی امور پر بات ہوئی تو وہیں فواد چوہدری کے نوکریوں سے متعلق بیان کا بھی تذکرہ ہوا۔
وزیراعظم نےفواد چوہدری کو مخاطب کرتے ہوئے کہا کہ سعودی عرب کے دورے میں آپ کے بیان کے متعلق معلوم ہوا، جواب میں وفاقی وزیر نے اپنی وضاحت میں کہا کہ میرے بیان کو توڑ مروڑ کر پیش کیا گیا جس پر وزیراعظم نے ردعمل دیا کہ ہمیں مایوسی کی باتیں نہیں کرنی چاہیے۔
یہ بھی پڑھیں: 400 محکمے بند کررہے ہیں لوگ نوکریوں کیلیے حکومت کی طرف نہ دیکھیں، فواد چوہدری
دوران اجلاس وزیراعظم حکومتی ترجمانوں کی کارکردگی سے بھی ناخوش نظر آئے ، صحیح ترجمانی نہ ہونے پر وزیراعظم نے کہا کہ ہمارا موقف میڈیا پر درست انداز میں پیش نہیں ہورہا جس کے بعد کور کمیٹی نے حکومتی موقف بھرپور انداز میں پیش کرنے کیلئے مختلف تجاویز پیش کیں۔
آزادی مارچ کے حوالے سے وزیراعظم نے کہا کہ مولانا فضل الرحمان کے مارچ کو ذیادہ اہمیت نہ دی جائے،آزادی مارچ کے متعلق کمیٹی قائم کردی،وہی معلامات دیکھے گی ہمیں دھرنے پر گفتگو سے وقت ضائع نہیں کرناچاہتے۔
کور کمیٹی نے پنجاب اور خیبرپختونخوا میں فوری بلدیاتی انتخابات کرانے کا فیصلہ بھی کیا جب کہ وزیراعظم عمران خان نے شرکا کو سعودی عرب، ایران اور چین کے دوروں پر اعتماد میں بھی لیا۔
اسے بھی پڑھیں: حکومت کا مولانا فضل الرحمان سے مذاکرات کے لیے کمیٹی بنانے کا فیصلہ
واضح رہے کہ حکومت نے مولانا فضل الرحمان سے مذاکرات کے لیے کمیٹی بنانے کا فیصلہ کیا ہے جس کی سربراہی وزیردفاع پرویز خٹک کے سپرد کی گئی ہے۔ کمیٹی کواپوزیشن سے اس کے مطالبات پر مذاکرات کا مینڈیٹ دیا گیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔