پی ٹی آئی کاپنجاب سمیت ملک بھر میں ’’انصاف ٹریڈرز ونگز‘‘ بنانے کا فیصلہ

قیصر شیرازی  ہفتہ 19 اکتوبر 2019
ریجنل تنظیموں کے صدور، سیکریٹریز کے بعد ضلعی، تحصیل، سٹی تنظیموں کا اعلان ہو گا
 فوٹو: فائل

ریجنل تنظیموں کے صدور، سیکریٹریز کے بعد ضلعی، تحصیل، سٹی تنظیموں کا اعلان ہو گا فوٹو: فائل

 راولپنڈی: تحریک انصاف نے پنجاب سمیت ملک بھر میں تاجر تنظیموں میں بھرپور نمائندگی کیلیے ’’انصاف ٹریڈرز ونگز‘‘ بنانے کا فیصلہ کیا ہے۔

پنجاب کی چاروں ریجنل تنظیموں کے صدور، سیکریٹریز کی تعیناتی کے بعد ضلعی،تحصیل،سٹی تنظیموں کا اعلان کیا جائے گا، تاجروں کے تمام شعبہ جات میں ہم خیال تاجر رہنماؤں کو شامل کر کے انصاف ٹریڈرز ونگز بنائے جائیں گے۔

تحریک انصاف کے ریجنل ڈپٹی سیکریٹری جنرل عارف عباسی نے رابطہ پر تصدیق کرتے ہوئے ایکسپریس کو بتایا کے ہمیں لوٹا ہوا تباہ حال پاکستان ملا تھا،کڑے معاشی فیصلوں سے ملک کو ڈیفالٹ کے خطرے سے باہر نکال دیا ہے، پرامن احتجاج سب کا حق ہے، جتھے بنانے،توڑ پھوڑ کی اجازت نہیں ہوگی۔اپنے حلقہ سے مستردشدہ شخص 20 کروڑ عوام کو بلیک میل نہیں کر سکتا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔