اوکاڑہ میں 3 بچوں پر تشدد کی وڈیو وائرل ہونے پر ملزم گرفتار

اوکاڑہ: نواحی گاؤں میں 3 بچوں پر تشدد کی وڈیو وائرل ہونے پر پولیس نے ملزم کو گرفتار کر کے مقدمہ درج کرلیا۔

اوکاڑہ کے نواحی گاؤں چک 40 فورا یل میں محمد یعقوب درزی نے ہمسائے محمد عباس کے 3 کمسن  بچوں ثاقب، شابل اور اکمل کو شرارتوں سے منع نہ ہونے پر اپنے گھر بلاکر تشدد کا نشانہ بنایا، ننگا کر کے کپڑوں سے باندھ کر الٹا لٹکا کر بری طرح مارا، بعدازاں پولیس نے ویڈیو وائرل ہونے پر ملزم کے گھر چھاپہ مار کر اسے گرفتار کیا اور اس کا موبائل فون قبضہ میں لے لیا جس میں واقعہ کی وڈیو موجود ہے۔

ٹرینی اے ایس آئی شہباز الحسن کی مدعیت میں درج ایف آئی آر کا مطابق واقعہ دس 11 روز قبل ہوا، پولیس نے ملزم کے خلاف دفعہ 328,355,342,506,اور292سی کے تحت کارروائی شروع کر دی ہے۔

ادھر وزیراعلیٰ پنجاب کی ہدایت ڈپٹی کمشنر مریم خان متاثرہ بچوں کے گھر گئیں اور متاثرہ خاندان کی مالی اور قانونی مدد کا اعلان کیا،انہوں نے موقع پرہی بیس ہزار روپے نقد ادا کئے۔ وزیراعلیٰ کی ہدایت کے مطابق بچوں کو اوکاڑہ کے اچھے سکول میں داخل کرائیں گے اوربچوں کی بیمار والدہ کا علاج معالجہ بھی کرایا جائے گا۔

اوکاڑہ میں میکے بیٹھی ماں سے ملنے پر چچا کا کمسن بھتیجوں پر تشدد

مزید ویڈیوز دیکھیں: https://t.co/ptW8gC4xDR pic.twitter.com/V2nv32QyeY

— Express News (@ExpressNewsPK) October 19, 2019