- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
بھارت پاکستان میں داخلی انتشارکیلئے کچھ قوتوں کوآگے کرنا چاہتا ہے، شاہ محمود قریشی
اسلام آباد: وزیرخارجہ شاہ محمود قریشی کا کہنا ہے کہ بھارت کی سیزفائرکی خلاف ورزی کے پیچھے بدامنی ہے جب کہ مقبوضہ کشمیر پر ان کا بیانیہ پٹ گیا ہے۔
وزیرخارجہ شاہ محمود قریشی نے کہا کہ مقبوضہ کشمیرمیں بھارت اپنی ساکھ اورکشمیریوں کی ہمدردی کھوچکا ہے، توجہ ہٹانے کیلئے کبھی وہ فالز فلیگ آپریشن کا بہانہ بناتا ہے کبھی وہ ایف اے ٹی ایف میں پاکستان کو بلیک لسٹ میں دھکیلنے کی کوشش کرتا ہے لیکن بھارت کو ہرمیدان میں شکست ہو رہی ہے اور وہ اپنی خفت مٹانے کیلئے ایسی حرکتیں کررہا ہے لیکن پاکستان اپنا دفاع کرنے کی صلاحیت رکھتا ہے اوران شا اللہ اپنا دفاع کرے گا۔
شاہ محمود قریشی نے کہا کہ پاکستان نے ہر عالمی فورم پر بھارت کو بے نقاب کرنے کی کوشش کی ہے، اقوام متحدہ کی سلامتی کونسل سب سے اہم فورم ہے، اس میں 54 سال بعد کشمیرکا مسئلہ زیربحث آیا، وزیراعظم نے جنرل اسمبلی میں پاکستان، اسلام اورکشمیر کا مقدمہ پیش کیا جب کہ میں نے جنیوا میں انسانی حقوق کونسل میں بھارت کی خلاف ورزیوں کا پردہ چاک کیا اور27 اکتوبر کو یوم سیاہ منانے کا فیصلہ کیا ہے اس سے بھارت پرمزید دباؤ بڑھے گا۔
شاہ محمود قریشی نے کہا کہ بھارت مسئلہ کشمیرکو دہشت گردی سے جوڑتا تھا، لوگوں پرواضح ہو گیا مسئلہ دہشت گردی کا نہیں، مسئلہ حق خودارادیت کا معاملہ ہے، پاکستان کے اندر بھی قوم یکجا ہو چکی ہے، پاکستان کے باہر بھی ہردارالخلافے میں پاکستانیوں اورکشمیریوں نے احتجاج کرکے بھارت کو بے نقاب کر دیا ہے، بھارت پر دباؤ بڑھ رہا ہے، اس سے توجہ ہٹانے کیلئے وہ فالز فلیگ آپریشن چاہتا ہے، بھارت پاکستان میں داخلی انتشارکیلئے کچھ قوتوں کو آگے کرنا چاہتا ہے، بھارت کی خواہش ہے پاکستان اپنے داخلی مسائل میں الجھا رہے اور مقبوضہ کشمیر سے توجہ ہٹ جائے۔
وزیرخارجہ نے کہا کہ اوآئی سی نے بھی بھارت کوتنقید کا نشانہ بنایا، کشمیر کے مسئلے کو یورپی یونین میں زیربحث لایا گیا، دنیا کی ہر پارلیمنٹ میں بھارت کی انسانی حقوق کی خلاف ورزیاں زیربحث ہیں اوروہ تنقید کا نشانہ بن رہے ہیں، مقبوضہ کشمیر کا مسئلہ کھٹائی میں پڑا تھا حکومت نے اسے انٹرنیشنلائز کر دیا ہے، عالمی میڈیا بھارت کی پالیسیوں پرتنقید کررہا ہے۔ بھارت کی سیزفائر کی خلاف ورزی کے پیچھے بدامنی ہے جب کہ مقبوضہ کشمیرپران کا بیانیہ پٹ گیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔