نیو اسلام آباد ایئرپورٹ سے سعودی عرب ہیروئن اسمگل کرنے کی کوشش ناکام

ویب ڈیسک  پير 21 اکتوبر 2019
اے این ایف نے مسافر کو گرفتار کرکے مقدمہ درج کرلیا فوٹو: فائل

اے این ایف نے مسافر کو گرفتار کرکے مقدمہ درج کرلیا فوٹو: فائل

 اسلام آباد: ایئر پورٹ سیکیورٹی فورس نے کروڑوں روپے مالیت کی ہیروئن سعودی عرب اسمگل کرنے کی کوشش ناکام بنادی۔

ایکسپریس نیوز کے مطابق ایئر پورٹ سیکیورٹی فورس پر تعینات اے ایس ایف اہلکاروں نے سعودی عرب جانے والے ایک مسافر کے سامان سے ڈیڑھ کلو گرام کے قریب ہیروئن برآمد کرلی۔

اے ایس ایف حکام کا کہنا ہے کہ مردان کے رہائشی طارق شاہ نامی مسافر نے ہیروئن چائے کی پتی کے پیکٹوں میں چھپا رکھی تھی، سامان کی اسکینگ کے دوران شک ہونے پر اس کی تلاشی لی گئی تو پیکٹس میں سے ہیروئن برآمد ہوئی۔ اے این ایف نے مسافر کو گرفتار کرکے مقدمہ درج کرلیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔